Тогтоол №7791

ХЭРГИЙН ТАНИЛЦУУЛГА: Сонгуулийн нэр дэвшигч нь сонгуулийн зардлын дансаа бүртгүүлээгүй үндэслэлээр улсын байцаагчаас торгууль ногдуулсан захиргааны акттай холбоотой маргаан. Нэхэмжлэгч нь ковид-19 цар тахлын нөхцөл байдалтай холбогдуулан зардал гаргахгүйгээр сонгуульд оролцох шийдвэр гаргасан, зардлын данс нээгээгүй тул бүртгүүлэх зөрчил үүсээгүй, мөн зөрчлийн хэрэг шалган шийдвэрлэх ажиллагаанд оролцогчийн эрх зөрчигдсөн гэж маргасан. Хариуцагч нь нэр дэвшигч Сонгуулийн тухай хуулийн зардлын дансаа бүртгүүлэх үүргээ биелүүлээгүй нь зөрчил болно гэж үзсэн. АНХАН ШАТ: Нэхэмжлэгчийн гомдлыг бүхэлд нь хэрэгсэхгүй болгож, улсын байцаагчийн шийтгэлийн хуудсыг хэвээр үлдээж шийдвэрлэсэн.

ҮНДЭСЛЭЛ: Монгол Улсын Их Хурлын сонгуулийн тухай хуульд нам, эвсэл, нэр дэвшигч нь сонгуулийн зардлын дансыг нээлгэн, улсын аудитын байгууллагад мэдэгдэж, бүртгүүлэх үүрэгтэй. Нэр дэвшигч О.И нь зардлын дансаа нээгээгүй, бүртгүүлээгүй нь хуулиар хүлээлгэсэн үүргийг биелүүлээгүй. Сонгуулийн сурталчилгаанд зардал гаргах эсэх нь дотоод зохион байгуулалтын асуудал боловч зардлын дансыг нээж, бүртгүүлээгүй нь хуулийн журмыг хэрэгжүүлээгүйд тооцогдоно. Процессийн алдаа нь шийтгэлийн хуудсыг хүчингүй болгох хангалттай үндэслэл болоогүй.