Тогтоол №6624

ХЭРГИЙН ТАНИЛЦУУЛГА: ТҮЦ эрхлэгчид өөрсдийн үйл ажиллагаа эрхлэх зөвшөөрөл, гэрээг нь сунгах, шинээр байгуулах, байршил тогтоох зэрэг асуудлуудад захиргааны байгууллагууд эс үйлдэхүй гаргаж, хууль бус шийдвэр гаргасан хэмээн үзэж, тэдгээрт хариуцлага тооцуулах, үүргээ биелүүлэхийг даалгах шаардлага гаргасан.

АНХАН ШАТ: Шүүхээс нэхэмжлэлийн зарим хэсгийг ханган, заримыг нь хэрэгсэхгүй болгосон. Тухайлбал, ТҮЦ эрхлэгч 38 иргэнтэй гэрээ байгуулах эсэх асуудлыг хууль, журмын дагуу шийдвэрлэхийг хариуцагч байгууллагуудад даалгаж, гэрээ сунгах, тогтоол хэрэгжүүлэхийг даалгах, албадан нүүлгэсэн ТҮЦ-ийг буцаан байршуулах зэрэг шаардлагуудыг хэрэгсэхгүй болгосон.

ҮНДЭСЛЭЛ: Нийслэлийн болон дүүргийн хэмжээнд ТҮЦ ажиллуулахтай холбоотой хууль, эрх зүйн зохицуулалт тодорхойгүй, зарим тогтоол, журам улсын нэгдсэн бүртгэлд бүртгэгдээгүй, эрх зүйн үйлчлэлгүй байснаас захиргааны байгууллагууд шийдвэр гаргах, гэрээ байгуулахдаа хууль бус эс үйлдэхүй гаргасан гэж үзсэн. ТҮЦ эрхлэгчид удаан хугацааны турш үйл ажиллагаа явуулж, зохих зөвшөөрлүүдтэй байсан боловч захиргааны байгууллагын зохицуулалтын доголдол, хууль бус үйлдлээс болж эрх ашиг нь зөрчигдсөн. Шүүгчийн захирамжийг зөрчиж албадан нүүлгэсэн асуудлыг шүүхийн шийдвэр гүйцэтгэх ажиллагаатай холбоотой хэмээн үзэж, нэхэмжлэлийг хэрэгсэхгүй болгосон.