Тогтоол №6540

ХЭРГИЙН ТАНИЛЦУУЛГА: “А” ХХК нь НЗД-ын А/609 тоот захирамжийг хүчингүй болгуулахаар нэхэмжилсэн. Захирамжаар тус компанид олгосон ашигт малтмал ашиглах тусгай зөвшөөрлийг газрын хэвлийг 3 жил ашиглаагүй гэх үндэслэлээр цуцалсан. Нэхэмжлэгч нь эрхээ хэрэгжүүлэх боломжгүй байсан, байгууллагын буруугүй, хууль ёсны журмыг дагаж мөрдөөгүй гэж маргасан. Хариуцагч нь хяналт шалгалтын дүнгээр тогтоогдсон зөрчлийг үндэслэн захирамж гаргасан гэж тайлбарласан. АНХАН ШАТ: Нэхэмжлэлийн шаардлагыг бүхэлд нь хэрэгсэхгүй болгосон. ҮНДЭСЛЭЛ: Компанийн тусгай зөвшөөрөл авснаас хойш 3 жилийн дотор газрын хэвлийг ашиглах үүргээ биелүүлээгүй тул захиргааны байгууллага тусгай зөвшөөрлийг нь цуцалсан нь хуульд нийцсэн. Түгээмэл тархацтай ашигт малтмалын тухай хуулийн 35.1.3, 37.1, Газрын хэвлийн тухай хуулийн 7.2.4, 21.2.1-д заасны дагуу шийдвэр гаргасан.