Тогтоол №6198

ХЭРГИЙН ТАНИЛЦУУЛГА: Компани нь татварын хяналт шалгалтын улмаас ногдуулсан торгууль, алдангийг Өршөөл үзүүлэх тухай хуульд хамруулах хүсэлт гаргасан. Хариуцагч тал татвар төлөөгүй, алданги, торгуулийг бүрэн төлөөгүй байгаа тул хуульд хамруулах боломжгүй гэж үзсэн. АНХАН ШАТ: Компанийн нэхэмжлэлийн шаардлагыг хангаж, татварын байцаагчийн акт тогтоосон торгууль, алдангийг өршөөн хэлтрүүлэхээр шийдвэрлэсэн.

ҮНДЭСЛЭЛ: Татварын улсын байцаагчаас 2013 онд хийсэн хяналт шалгалтаар нийт 18.060.800 төгрөгийн зөрчлөөс 5.418.200 төгрөгийн торгууль, 4.831.100 төгрөгийн алданги оногдуулсан. Компани нь нэхэмжлэлдээ дээрх торгууль, алдангийг 2015 оны 8 дугаар сарын 11-нд хүчин төгөлдөр болсон Өршөөл үзүүлэх тухай хуульд хамруулах ёстой гэж маргасан. Хуулийн үйлчлэх хугацаа нь 2015 оны 7 дугаар сарын 02-ны өдрөөс өмнө үйлдэгдсэн зөрчлийг хамруулна. Улсын байцаагчийн акт тогтоосон торгууль, алдангийн хугацаа нь Өршөөл үзүүлэх тухай хуулийн үйлчлэх хугацаанд хамаарч байгаа тул компанийн нэхэмжлэлийг хангаж, торгууль, алдангийг өршөөн хэлтрүүлэх нь хууль зүйн үндэслэлтэй гэж үзсэн.