Тогтоол №5768

ХЭРГИЙН ТАНИЛЦУУЛГА: “Б” ХХК нь Мэргэжлийн хяналтын газрын улсын байцаагчийн дүгнэлт болон албан шаардлагыг хүчингүй болгуулахаар нэхэмжлэл гаргасан. Компанийн зүгээс тусгай зөвшөөрөл хүчин төгөлдөр байхад дахин сунгуулах шаардлагагүй, байцаагч бүрэн шалгалт хийгээгүй, нотлох баримт бүрдүүлээгүй гэж үзсэн. Мэргэжлийн хяналтын газрын зүгээс компанийн үйл ажиллагааны дутагдлаас болж иргэдийн эрх зөрчигдсөн, тусгай зөвшөөрлийн хугацаа дууссан байхад сунгасан гэх баримт хуурамч гэж үзэж, зөрчлийн тухай хуулиар арга хэмжээ авсан. АНХАН ШАТ: Анхан шатны шүүх нь хариуцагч талын дүгнэлтийг хүчингүй болгуулах тухай нэхэмжлэлийг зөвшөөрсөн байх тул улсын байцаагчийн 21-07/050-2138 дугаартай дүгнэлтийг хүчингүй болгож, хэргийг хэрэгсэхгүй болгосон. Улсын байцаагчийн 21-07/050-209 дугаартай албан шаардлага нь Төрийн хяналт шалгалтын тухай хуульд заасан хяналт шалгалт хийх үндэслэл, журмыг зөрчсөн, Захиргааны ерөнхий хуулийн заалтуудыг хангаагүй гэж үзэн хүчингүй болгосон.

ҮНДЭСЛЭЛ: Улсын байцаагч нь хяналт шалгалт хийх журмыг зөрчиж, бодит байдлыг тогтоохгүйгээр албан шаардлага гаргасан. Мөн захиргааны акт гаргахын өмнө компанийн тайлбар авах ажиллагааг хийгээгүй, актыг мэдэгдсэн баримтгүй. Үүний улмаас компанийн эрх, хууль ёсны ашиг сонирхол зөрчигдсөн гэж үзэн албан шаардлагыг хүчингүй болгосон.