Тогтоол №3821

ХЭРГИЙН ТАНИЛЦУУЛГА: Төрийн албан хаагчийг зохион байгуулалтын өөрчлөлт нэрийн дор үндэслэлгүй ажлаас чөлөөлсөн гэх үндэслэлээр нэхэмжлэгч нь тушаалыг хүчингүй болгож, өмнөх албан тушаалдаа эгүүлэн томилж, ажилгүй байсан хугацааны цалин гаргуулах, нийгмийн даатгал, эрүүл мэндийн дэвтэрт нөхөн бичилт хийлгүүлэх шаардлага гаргасан. АНХАН ШАТ: Нэхэмжлэлийг бүхэлд нь хангаж, тушаалыг хүчингүй болгон, нэхэмжлэгчийг ажлын байранд эгүүлэн томилж, цалин олговор олгох, нөхөн бичилт хийлгүүлэхээр шийдвэрлэсэн.

ҮНДЭСЛЭЛ: Шүүхээс ажлаас чөлөөлсөн тушаал нь Төрийн албаны тухай хуулийн 27.2.4-т заасан хэлтсийн өөрчлөлт нь тухайн албан хаагчийн орон тоо хасагдсан гэж үзэх үндэслэлгүй, харин зохион байгуулалтын өөрчлөлтөөр ажлын байрны шаардлага өөрчлөгдсөн боловч нэхэмжлэгч нь тухайн шаардлагыг хангасан байсан тул хуулийн 27.2.3-т заасны дагуу өөр ажил, албан тушаалд шилжүүлэх, эсхүл сонгон шалгаруулах ажиллагааг хийх ёстой байтал хийгээгүй гэж дүгнэлээ. Мөн ажлын байрны тодорхойлолтод хийсэн өөрчлөлт нь эрхийг зөрчсөн, хууль бус гэж үзсэн. Ажлаас чөлөөлөхдөө хийсэн сонсох ажиллагаа нь хуульд заасан шаардлагыг хангаагүй.