Тогтоол №3694

ХЭРГИЙН ТАНИЛЦУУЛГА: Прокуророос Автотээврийн хяналтын улсын байцаагчийн иргэнд оногдуулсан торгох шийтгэлийг хүчингүй болгуулах нэхэмжлэл гаргасан. Байцаагч нь Зөрчлийн тухай хууль хүчин төгөлдөр болохоос өмнө, хуулийг буруу хэрэглэн, хүчингүй болсон Автотээврийн тухай хуулийн зүйл заалтыг үндэслэн шийтгэл оногдуулсан гэж прокурор үзжээ. Байцаагч нь алдаагаа хүлээн зөвшөөрсөн. АНХАН ШАТ: Байцаагчийн оногдуулсан шийтгэлийг хүчингүй болгосон. Автотээврийн тухай хуульд өөрчлөлт оруулсан хууль Зөрчлийн тухай хууль хүчин төгөлдөр болсноос эхлэн мөрдөгдөх болсон бөгөөд хуучин зүйл заалт нь хүчингүй болсон. Мөн техникийн хяналтын үзлэгт ороогүй тээврийн хэрэгслийг замын хөдөлгөөнд оролцуулсан зөрчлийг нотолсон баримт байхгүй тул шийтгэл оногдуулах нь үндэслэлгүй гэж үзсэн.

ҮНДЭСЛЭЛ: Автотээврийн тухай хуульд өөрчлөлт оруулсан хуулийг 2017 оны 7 дугаар сарын 1-ний өдрөөс эхлэн дагаж мөрдсөн. Зөрчлийн тухай хууль мөн өдрөөс эхлэн хүчин төгөлдөр болсон. Хуучин Автотээврийн тухай хуулийн 23 дугаар зүйлийн 23.1.1 дэх хэсэг нь хүчингүй болж, захиргааны зөрчлийн хариуцлагыг Зөрчлийн тухай хуульд заасны дагуу хүлээлгэхээр болсон. Иргэн Н.Эрдэнэ нь техникийн хяналтын үзлэгт ороогүй автотээврийн хэрэгслийг замын хөдөлгөөнд оролцуулсан зөрчлийг гаргасан нь нотлогдоогүй, үүнийг нотолсон баримтыг шүүхэд ирүүлээгүй тул оногдуулсан шийтгэл нь хууль зүйн үндэслэлгүй болно.