ХЭРГИЙН ТАНИЛЦУУЛГА: Нэхэмжлэгч нь өөрийн ах Ш.С-ээс шилжүүлэн авсан газрыг хариуцагч нь бусдад давхар олгосон гэж үзэж, тухайн захирамжийн холбогдох хэсгийг хүчингүй болгуулах шаардлага гаргасан.
АНХАН ШАТ: Нэхэмжлэлийн шаардлагыг бүхэлд нь хэрэгсэхгүй болгож, шийдвэрлэсэн.
ҮНДЭСЛЭЛ: Нэхэмжлэгч Ш.С-ээс газрын эрх шилжүүлэн авсан гэх үндэслэл нь Газрын тухай хуульд заасан журмаар, нотариатаар гэрчлүүлсэн гэрээгүй, эрх бүхий албан тушаалтнаас шилжүүлэх шийдвэр гараагүй тул хууль зүйн үндэслэлгүй байна. Ш.С-д тухайн газрыг хууль ёсоор эзэмшүүлэх шийдвэр гараагүй, олгогдсон гэрчилгээ нь хууль бус, бусад гэрчилгээтэй нэгж талбарын дугаар зөрүүтэй, давхардуулсан нь тогтоогдож байна. Гуравдагч этгээд Н.Х-д хууль ёсоор газар эзэмшүүлсэн, гэрчилгээ олгосон бөгөөд түүний эрх нь хүчингүй болгогдоогүй байна. Нэхэмжлэгч Ш.Ж нь давхардуулан газар эзэмшүүлсэнээс эрх нь зөрчигдсөн нь тогтоогдоогүй тул нэхэмжлэлийг хангах боломжгүй.