Тогтоол №10891

ХЭРГИЙН ТАНИЛЦУУЛГА: ЖХХК нь татварын улсын байцаагчдын шийтгэлийн хуудсыг хүчингүй болгуулах шаардлага гаргав. Компанийн зүгээс шийтгэл ногдуулахдаа холбогдох хуулийг зөрчсөн, ямар зөрчил гаргасан нь тодорхойгүй, тайлбар хийх эрхийг хангаагүй гэж үзжээ. Хариуцагч татварын байцаагчид нь компани хуульд заасан татвар ногдох зүйлийг үнэн зөв тодорхойлж, тогтоосон хугацаанд төлөөгүй, тайлан, мэдээг хугацаанд нь ирүүлээгүй, нягтлан бодох бүртгэлийг тогтоосон журмын дагуу хөтлөөгүй, баримт бичгийг шалгалтын явцад бүрэн гаргаж өгөөгүй тул Зөрчлийн тухай хуулийн 11.19 дүгээр зүйлийн 1.1, 1.2-т заасныг зөрчсөн гэж үзэн шийтгэл ногдуулсан байна. АНХАН ШАТ: ЖХХК-ийн гаргасан гомдлыг бүхэлд нь хэрэгсэхгүй болгож, татварын байцаагч нарын үйлдсэн шийтгэлийн хуудсыг хүчингүй болгуулах шаардлагыг хангахаас татгалзсан. Зөрчлийн тухай хуулийн 11.19 дүгээр зүйлийн 1.1, 1.2-т заасны дагуу нийт 3.970.825.960,40 төгрөгийн торгох шийтгэл оногдуулсан нь үндэслэлтэй гэж үзсэн.

ҮНДЭСЛЭЛ: Компанийн гаргасан зөрчлүүд нь Зөрчлийн тухай хуулийн 11.19 дүгээр зүйлийн 1.1, 1.2-т заасан заалтуудтай тохирч байгаа нь нотлох баримтаар тогтоогдсон. Татварын ерөнхий хуулийн дагуу татвар төлөгч нь татвар ногдох зүйл, татвараа үнэн зөв тодорхойлж, тогтоосон хугацаанд төлөх, холбогдох тооцоо, мэдээ, тайланг гаргаж татварын албанд ирүүлэх, нягтлан бодох бүртгэлийг тогтоосон журмын дагуу хөтөлж, баримт бичгийг шалгалтын үед гаргаж өгөх үүрэгтэй. Компани эдгээр үүргээ биелүүлээгүй нь шалгалтын явцад тогтоогдсон. Хувьцаа эзэмшигчдийн хооронд үүссэн маргаан нь захиргааны хэргийн шүүхийн харьяанд хамаарахгүй. Шалгалтын хугацааг сунгаж, хуулийн дагуу шалгалт хийгдсэн.