Шүүхийн тогтоол #9900

ХЭРГИЙН ТАНИЛЦУУЛГА: Нэхэмжлэгч нь хариуцагч нараас гэрээний үүрэгт мөнгө гаргуулах шаардлага гаргасан. Хариуцагч нар үүнийг эс зөвшөөрч, тамхи худалдах-худалдан авах гэрээний хэлцэл нь хүчин төгөлдөр бус, татваргүй тамхи худалдаалсан тул нэхэмжлэгч мөнгө нэхэмжлэх эрхгүй гэж маргасан. АНХАН ШАТ: Хариуцагч У.Батзаяа, **** нараас 47,393,500 төгрөгийг гаргуулж нэхэмжлэгч ****ад олгож, нэхэмжлэлийн шаардлагаас 1,856,500 төгрөгт холбогдох хэсгийг хэрэгсэхгүй болгож шийдвэрлэв. ДАВЖ ЗААЛДАХ ШАТ: Хариуцагч нарын гомдлоор хэргийг хэлэлцээд, анхан шатны шүүхийн шийдвэрийн зарим хэсгийг өөрчилж, татваргүй тамхи худалдах-худалдан авах гэрээг хүчин төгөлдөр бус болохыг тогтоож, хариуцагч нараас 47,393,500 төгрөгийг гаргуулахаар шийдвэрлэсэн. ХЯНАЛТЫН ШАТ: Хариуцагч нарын итгэмжлэгдсэн төлөөлөгч шүүх хэрэглэвэл зохих хуулийг хэрэглээгүй, буруу тайлбарлаж хэрэглэсэн, хариуцагчдын төлөх төлбөрийг салган тогтоож өгөх шаардлагатай гэх үндэслэлээр гомдол гаргав. ҮНДЭСЛЭЛ: Хоёр шатны шүүх хэрэгт цугларсан нотлох баримтыг үндэслэн үйл баримтыг зөв тогтоож, талуудын хоорондох эрх зүйн маргаанд хуулийн зохицуулалтыг зөв тайлбарлан хэрэглэсэн. Аж ахуйн үйл ажиллагааны тусгай зөвшөөрлийн тухай хууль болон Иргэний хуулийн холбогдох зүйл заалтыг үндэслэн тамхи худалдах-худалдан авах гэрээг хүчин төгөлдөр бус гэж үзэж, нэхэмжлэгч хариуцагч нараас шилжүүлсэн хөрөнгийг буцаан шаардах эрхтэй, хариуцагч нар буцаах боломжгүй бол үнийг төлөх үүрэгтэй гэж дүгнэсэн нь үндэслэлтэй байна. Хариуцагчдын гомдлыг хангах хууль зүйн үндэслэлгүй тул давж заалдах шатны шүүхийн магадлалыг хэвээр үлдээв.