Тогтоол №5517

ХЭРГИЙН ТАНИЛЦУУЛГА: Иргэн Г.Э нь иргэн Б.Л-ээс автомашины төлбөрт шилжүүлсэн 10.000.000 төгрөгийг буцаан шаардсан. Хариуцагч Б.Л нь Г.Э-г танихгүй, Ц.Б-д автомашин зээлээр худалдсан, төлбөр хийгдсэн тул нэхэмжлэлийг хүлээн авахгүй гэж маргасан. АНХАН ШАТ: Хариуцагчаас 10.000.000 төгрөг гаргуулж нэхэмжлэгчид олгохоор шийдвэрлэв. ДАВЖ ЗААЛДАХ ШАТ: Анхан шатны шүүхийн шийдвэрийг хэвээр үлдээж, хариуцагчийн гомдлыг хангахгүй орхив. ХЯНАЛТЫН ШАТ: Хоёр шатны шүүх Иргэний хуулийн 492 дугаар зүйлийн 492.1.1-т заасныг буруу тайлбарласан үндэслэлээр шийдвэр, магадлалыг хүчингүй болгож, нэхэмжлэлийг хэрэгсэхгүй болгов. ҮНДЭСЛЭЛ: Нэхэмжлэгч Г.Э- нь Ц.Б-ийн худалдан авах автомашины төлбөрт 10.000.000 төгрөгийг хариуцагч Б.Л-ийн хамтран ажилладаг Т.Б-ын дансанд шилжүүлсэн боловч уг мөнгийг буцаан шаардах эрхгүй. Учир нь зохигчдын хооронд гэрээ байгуулагдаагүй, мөнгийг Ц.Б-ийн автомашины төлбөрт тооцсон нь тогтоогдсон.