Тогтоол №20838

ХЭРГИЙН ТАНИЛЦУУЛГА: Экскаватор худалдах, худалдан авах гэрээний үүрэг болон гэрээ цуцлах тухай нэхэмжлэл, сөрөг нэхэмжлэл. АНХАН ШАТ: Худалдах, худалдан авах гэрээний үүрэг болох 89,400,000 төгрөгийг гаргуулах, сөрөг нэхэмжлэлийг хэрэгсэхгүй болгож шийдвэрлэв. ДАВЖ ЗААЛДАХ ШАТ: Гэрээний зүйл болох экскаваторын доголдлыг анхааран үзээгүй, гэрээ цуцлах эрхийг буруу тооцсон, улсын тэмдэгтийн хураамжийг буруу хуваарилсан гэх гомдлыг үндэслэн шийдвэрийг хүчингүй болгож, хэргийг буцаах саналтай. Хариуцагчийн гаргасан давж заалдах гомдлыг хангахгүй орхиж, анхан шатны шүүхийн шийдвэрийг хэвээр үлдээв.

ҮНДЭСЛЭЛ: Гэрээний үнэд төлөх мөнгөн хөрөнгөд талууд хүү тохиролцоогүй тул гэрээг "зээлээр худалдах, худалдан авах гэрээ" гэж нэрлэсэн нь хамаагүй, харин үүргийн шинж чанар нь худалдах, худалдан авах гэрээний харилцааг үүсгэсэн. Хариуцагч нь гэрээний зүйлийг хүлээж авах үедээ эд хөрөнгийн доголдлын талаар мэдсэн буюу мэдэх боломжтой байсан тул шаардлага гаргах эрхээ алдсан. Гэрээний зүйл болсон экскаватор нь ашиглагдаж байсан, шинэ биш тул гэрээ байгуулахаас өмнө доголдолтой байсан нь тогтоогдоогүй. Гэрээ цуцлах талаар нэхэмжлэгчид мэдэгдээгүй тул хариуцагч нь гэрээнээс татгалзах эрхээ алдсан. Нэхэмжлэгч нь гэрээний үлдэгдэл төлбөр болох 70,000,000 төгрөгийг шаардах эрхтэй, гэрээний дагуу тооцсон алданги 19,400,000 төгрөгийг нэхэмжлэх эрхтэй.