Тогтоол №18394

ХЭРГИЙН ТАНИЛЦУУЛГА: Нэхэмжлэгч П- ХХК нь А- ХХК-ийг оффисын түрээсийн гэрээгээр хүлээсэн үүргээ биелүүлээгүй, түрээсийн төлбөр болон бусад зардлыг төлөөгүй гэх үндэслэлээр 39 227 465 төгрөг гаргуулахаар нэхэмжилжээ. АНХАН ШАТ: Иргэний хуулийн 492 дугаар зүйлийн 492.1.1-т заасныг баримтлан хариуцагч А- ХХК-иас 39 227 465 төгрөг гаргуулан нэхэмжлэгч П- ХХК-д олгож шийдвэрлэсэн. ДАВЖ ЗААЛДАХ ШАТ: Хариуцагч нь анхан шатны шүүх хуралдааныг хойшлуулах хүсэлтийг хангаагүй, хууль буруу хэрэглэсэн гэж гомдол гаргав. Давж заалдах шатны шүүх түрээсийн гэрээ нь улсын бүртгэлд бүртгэгдээгүй тул хүчин төгөлдөр бус болохыг тогтоож, зарим шаардлагыг хэрэгсэхгүй болгон, бусад шаардлагыг өөрчлөн шийдвэрлэсэн.

ҮНДЭСЛЭЛ: Талуудын хооронд байгуулагдсан түрээсийн гэрээ нь үл хөдлөх эд хөрөнгийн бүртгэлийн газарт бүртгэгдээгүй тул Иргэний хуулийн 56 дугаар зүйлийн 56.1.8-д зааснаар хүчин төгөлдөр бус болох ба хариуцагч нь бусдын хөрөнгийг үндэслэлгүй ашигласан хугацааны төлбөрийг төлөх үүрэгтэй. Ажил гүйцэтгэх гэрээний дагуу үүссэн төлбөрийг хүлээн зөвшөөрсөн баримтаар тогтоож, гаргуулах боловч тавилга хэрэгсэл хураан агуулсны төлбөрийг нотлох баримтгүй тул хэрэгсэхгүй болгожээ. Анхан шатны шүүх хуралдаан хойшлуулах болон оролцох эрхийг хангасан байсан тул шүүхийн ажиллагааг буруутгах үндэслэлгүй.