ХЭРГИЙН ТАНИЛЦУУЛГА: Худалдах-худалдан авах гэрээгээр урьдчилгаа төлбөр гаргуулах тухай нэхэмжлэл. АНХАН ШАТ: Нэхэмжлэлийг хангаж, хариуцагчаас 50,643,357 төгрөгийг гаргуулж нэхэмжлэгчид олгосугай. ДАВЖ ЗААЛДАХ ШАТ: Хариуцагч нь хамтран ажиллах гэрээ байгуулсан, гэрээ нь үйл ажиллагааны зорилгоо алдсан хэмээн гомдол гаргав.
ҮНДЭСЛЭЛ: Талуудын хооронд хүчин төгөлдөр худалдах-худалдан авах гэрээ байгуулагдсан нь тогтоогдсон. Хариуцагч гэрээний үүргээ биелүүлээгүй тул нэхэмжлэгч гэрээ цуцлах, урьдчилгаа төлбөрөө буцаан авах эрхтэй. Хариуцагчийн хамтран ажиллах гэрээ байгуулсан гэх үндэслэл нь нотлогдоогүй.