Тогтоол №13022

ХЭРГИЙН ТАНИЛЦУУЛГА: Үл хөдлөх эд хөрөнгийн үнэлгээг хүчингүй болгуулах тухай нэхэмжлэл. АНХАН ШАТ: Нэхэмжлэлийг бүхэлд нь хэрэгсэхгүй болгосон. Иргэний хуулийн 177.1, ИХШХШТ хуулийн 56.1, 60.1, УТХТ хуулийн 7.1.2-т заасныг баримталсан. ДАВЖ ЗААЛДАХ ШАТ: Нэхэмжлэгчийн итгэмжлэгдсэн төлөөлөгч анхан шатны шүүхийн шийдвэрийг хүчингүй болгож, дахин шийдвэрлүүлэхээр гомдол гаргасан. Шүүхийн шийдвэр гүйцэтгэх ажиллагааг хуулийн дагуу хийгээгүй, талуудад мэдэгдээгүй, гомдол гаргах хугацааг хэтрүүлээгүй гэж маргасан.

ҮНДЭСЛЭЛ: Анхан шатны шүүх нотлох баримтыг хуульд заасан журмаар үнэлж, хэрэг хянан шийдвэрлэх ажиллагааны журмыг зөрчөөгүй. Талууд эд хөрөнгө битүүмжлэн, хураасан ажиллагаанд маргаангүй, харин барьцаалагдсан эд хөрөнгийг үнэлсэн үнэлгээний талаар маргажээ. Нэхэмжлэгч нь үл хөдлөх эд хөрөнгийг зах зээлийн үнэлгээнээс хэт доогуур үнэлсэн гэх гомдлоо нотлох баримтаар хангалттай тогтоогоогүй. Шүүхийн шийдвэр гүйцэтгэх тухай хуулийн 55.7-д заасан гомдол гаргах хугацааг хэтрүүлсэн. Шийдвэр гүйцэтгэх ажиллагааг хуулийн дагуу явуулсан, талуудад үнэлгээний тайланг танилцуулсан баримттай. Иймд анхан шатны шүүхийн шийдвэр хууль ёсны бөгөөд үндэслэл бүхий байна.