Тогтоол №11796

ХЭРГИЙН ТАНИЛЦУУЛГА: Нэхэмжлэгч нь өөрийн эзэмшлийн газарт хариуцагч орон сууц барьж, газрыг нь эзэмшиж байгааг тогтоолгон, газрыг чөлөөлүүлэх, улмаар нэхэмжлэгчийн Улаанбаатар хотоос ирж буцсан зардлыг гаргуулахыг хүссэн. Хариуцагч нь нэхэмжлэлийн зарим шаардлагыг хүлээн зөвшөөрч, заримд нь татгалзсан. АНХАН ШАТ: Хариуцагч нь нэхэмжлэгчийн газрын 17.8 мкв талбайг хууль бусаар эзэмшиж байгааг тогтоон, газрыг албадан чөлөөлүүлэх, хариуцагчаас тээврийн зардал 274,500 төгрөг гаргуулах шаардлагыг хангаж шийдвэрлэсэн. ДАВЖ ЗААЛДАХ ШАТ: Хариуцагч нь анхан шатны шүүхийн шийдвэртэй санал нийлэлгүй, хөршийн хил зөрчсөн үйлдлийг хүлээн зөвшөөрөх, бусад хуулийн заалтыг үндэслэн шийдвэрийг өөрчлөхийг хүссэн. Нэхэмжлэгч нь газартай холбоотой үл хөдлөх хөрөнгийг хэрхэн шийдвэрлэх асуудлыг анхаарахгүйгээр зөвхөн газрыг чөлөөлж шийдвэрлэсэн нь учир дутагдалтай, газрын маргааныг зохих шатны Засаг дарга шийдвэрлэх үндэслэл байгаа эсэхийг анхаараагүй гэж үзэн анхан шатны шүүхийн шийдвэрийг хүчингүй болгож, хэргийг хэрэгсэхгүй болгосон.

ҮНДЭСЛЭЛ: Нэхэмжлэлд хавсаргасан баримтууд газрын эзэмших эрхийн гэрчилгээнд заасан газрын зориулалтыг бүрэн хангаагүй, маргаантай байгаа газрыг өмчлөлд олгоогүй, эзэмшилд олгосон байсан. Тухайн газрын талаар зохих шатны Засаг дарга болон Газрын харилцаа барилга хот байгуулалтын газрын албан ёсны шийдвэр гараагүй, барилга байгууламж нэгэнт баригдсан байхад газрыг чөлөөлж шийдвэрлэсэн нь учир дутагдалтай. Нэхэмжлэлд хавсаргасан баримтууд нь Иргэний хэрэг шүүхэд хянан шийдвэрлэх тухай хуулийн 62 дугаар зүйлийн 62.1.4-т заасан нэхэмжлэлийн бүрдүүлбэр дутуу байсан.