Тогтоол №171208

ХЭРГИЙН ТАНИЛЦУУЛГА: Иргэн Ц.П нь өндөр насны тэтгэвэр тогтоолгох зорилгоор 1995-2000 онд мал маллаж байсан байдлыг тогтоолгохоор шүүхэд нэхэмжлэл гаргасан. Учир нь нэхэмжлэгчийн мал тоолох А дансны бичиг баримтад овог, нэрийн зөрүү байсан тул Нийгмийн даатгалын байгууллагууд түүний мал малласан байдлыг тогтоож өгөөгүй. АНХАН ШАТ: Нэхэмжлэлийн шаардлагыг хангаж, Ц.П-н Архангай аймгийн Жаргалант суманд 1995 оны 01 сарын 01-ний өдрөөс 2000 оны 12 сарын 31-ний өдрийг дуустал хугацаанд мал маллаж байсан байдлыг тогтоожээ.

ҮНДЭСЛЭЛ: Шүүх нь нэхэмжлэгчийн тайлбар, гэрчүүдийн мэдүүлэг, багийн Засаг даргын тодорхойлолт, хүн ам, орон сууцны тооллогын баримт, мал тоологын баримт зэрэг нотлох баримтуудыг шинжлэн судлаад, овог нэрийн зөрүүтэй холбоотойгоор төрийн байгууллагад хадгалагдсан баримт байхгүй тул эрх зүйн ач холбогдол бүхий үйл явдлыг сэргээн тогтоолгох журмаар хэргийг шийдвэрлэсэн.