ХЭРГИЙН ТАНИЛЦУУЛГА: Иргэн нь гэрлэлтээ батлуулаагүй ч 1993 оноос хойш хамтран амьдарч, үр хүүхэдтэй болсон болохыг тогтоолгох хүсэлт гаргасан. АНХАН ШАТ: Шүүх нь цугларсан нотлох баримтуудыг үндэслэн, Иргэний хэрэг шүүхэд хянан шийдвэрлэх тухай хуулийн холбогдох зүйл заалтыг баримтлан, хүсэлт гаргагчийг хамтран амьдарч байсныг тогтоолгох шаардлагыг бүхэлд нь хангаж шийдвэрлэсэн.
ҮНДЭСЛЭЛ: Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.1, 135.2-т заасны дагуу эрх зүйн ач холбогдол бүхий үйл явдлыг тогтоох журмаар хэргийг хянан шийдвэрлэсэн. Хүсэлт гаргагч болон гуравдагч этгээд нар нь гэрлэлтээ батлуулаагүй ч 1993 оноос хойш хамтран амьдарч, үр хүүхэд төрсөн байдал нь нотлох баримтуудаар тогтоогдож байсан тул шүүх тэдний хамтын амьдралыг тогтоолоо.