Тогтоол №125911

ХЭРГИЙН ТАНИЛЦУУЛГА: ББСБ ХХК нь иргэнийг зээлийн гэрээний үүрэгт 92.074.818,09 төгрөг гаргуулах, үүргийн гүйцэтгэлийг барьцаа хөрөнгөөр хангуулахаар нэхэмжилсэн. Нэхэмжлэгч нь 2022.01.13-ны өдөр 78.870.000 төгрөгийг сарын 3.0 хувийн хүүтэй, 36 сарын хугацаатай зээлүүлсэн гэж тайлбарлав. Хариуцагч шүүхэд хариу тайлбар ирүүлээгүй.

АНХАН ШАТ: Иргэний хуулийн 451, 453 дугаар зүйл, 235 дугаар зүйл, Иргэний хэрэг шүүхэд хянан шийдвэрлэх тухай хуулийн 72, 77, 100, 115, 116, 118, 119, 120 дугаар зүйлүүд болон Улсын тэмдэгтийн хураамжийн тухай хуулийн 7 дугаар зүйлийг удирдлага болгон хариуцагчаас 92.074.818,09 төгрөгийг гаргуулж нэхэмжлэгчид олгож, төлбөрөө биелүүлээгүй тохиолдолд барьцаа хөрөнгө болох автомашинаар үүргийн гүйцэтгэлийг хангуулах, улсын тэмдэгтийн хураамжийн 688.524 төгрөгийг хариуцагчаас гаргуулж нэхэмжлэгчид олгох шийдвэрлэв.

ҮНДЭСЛЭЛ: Зохигчид зээлийн болон фидуцын гэрээ байгуулж, зээлдэгч нь гэрээний дагуу төлбөр хийгээгүй нь тогтоогдсон. Хариуцагч нь шүүхэд хариу тайлбар ирүүлээгүй, шүүхийн мэдэгдэх хуудсыг хүлээн авсан боловч ирээгүй тул Иргэний хэрэг шүүхэд хянан шийдвэрлэх тухай хуулийн 72.3, 77.3-т заасны дагуу нэхэмжлэлийн шаардлагыг хүлээн зөвшөөрсөнд тооцож эзгүйд хэргийг шийдвэрлэсэн.