Тогтоол №124945

ХЭРГИЙН ТАНИЛЦУУЛГА: Нэхэмжлэгч нь автомашин худалдан авах гэрээний үүрэгт шилжүүлсэн 3,000,000 төгрөгийг гаргуулахаар нэхэмжилжээ. Автомашиныг худалдан авахаар тохиролцон, урьдчилгаанд 3,000,000 төгрөг төлсөн боловч банкны зээл шийдвэрлэгдэхгүй удааширснаас хариуцагч автомашинаа буцаан авч, урьдчилгаа төлбөрийг буцаан өгөөгүй гэж нэхэмжлэгч тайлбарласан. Хариуцагч нь нэхэмжлэгчийн зээл гарахгүй гэх шалтгаанаар мөнгийг хойшлуулж, яаралтай мөнгө хэрэгтэй болсноос нэхэмжлэгчийн зөвшөөрлөөр бусдаас зээл авч, түүний хүүг нэхэмжлэгчээс гаргуулах ёстой байсан тул нэхэмжлэгчийн төлсөн урьдчилгаа 3,000,000 төгрөгөөс зээлийн хүү болох 1,800,000 төгрөгийг суутган үлдсэн 1,200,000 төгрөгийг буцаан өгөх ёстой гэж тайлбарлажээ.

АНХАН ШАТ: Иргэний хуулийн 243 дугаар зүйлийн 243.1, 205 дугаар зүйлийн 205.1 дэх хэсгийг удирдлага болгон хариуцагч М.*** өөс 1,200,000 төгрөгийг гаргуулан нэхэмжлэгч *** т олгож, нэхэмжлэлийн шаардлагаас үлдэх 1,800,000 төгрөгийг хэрэгсэхгүй болгосугай.

ҮНДЭСЛЭЛ: Зохигчид автомашин худалдах, худалдан авах гэрээ байгуулсан эсэх, түүний хүчин төгөлдөр байдлын талаар маргаагүй. Хариуцагч нь нэхэмжлэгчээс гаргасан саналын дагуу бусдаас зээл авсан, зээлийн хүү төлсөн болох нь фэйсбүүк мессеж, зээлийн гэрээ зэрэг баримтаар тогтоогдсон. Нэхэмжлэгч гэрээгээр хүлээсэн үүргээ биелүүлсэн бол хариуцагч бусдаас зээл авч, зээлийн хүү төлөх үүрэг үүсэхгүй байх боломжтой байсан тул хариуцагчийн тайлбар үндэслэлтэй гэж үзжээ. Иймд хариуцагчаас 1,200,000 төгрөгийг гаргуулан нэхэмжлэгчид олгож, нэхэмжлэлийн үлдэх хэсгийг хэрэгсэхгүй болгох нь хуульд нийцнэ.