Шүүхийн тогтоол #982

ХЭРГИЙН ТАНИЛЦУУЛГА: Шүүгдэгчийг хохирогчийг биеэ хамгаалж чадахгүй байсныг мэдсээр байж алах, онц харгис хэрцгий аргаар алсан гэмт хэрэгт холбогдуулан шалгасан. Анхан шатны шүүх хэргийг зүйлчлэн өөрчилж, ял оногдуулсан. Давж заалдах шатны шүүх анхан шатны шүүхийн шийдвэрийг хэвээр үлдээсэн. Шүүгдэгч, хохирогчийн хууль ёсны төлөөлөгч гомдол гаргасан. АНХАН ШАТ: Б.От-ыг 2015 оны Эрүүгийн хуулийн 10.1 дүгээр зүйлийн 2.7-д зааснаар хохирогчийг биеэ хамгаалж чадахгүй болохыг мэдсээр байж алах гэмт хэрэг үйлдсэн гэм буруутайд тооцож, 12 жил хорих ял оногдуулсан. Мөн цагдан хоригдсон 359 хоногийг ял эдэлсэн хугацаанд тооцож, хохирогчид 9.359.000 төгрөгийг гаргуулж өгөхөөр шийдвэрлэсэн. ДАВЖ ЗААЛДАХ ШАТ: Анхан шатны шүүхийн шийтгэх тогтоолыг хэвээр үлдээж, шүүгдэгч болон хохирогчийн хууль ёсны төлөөлөгчийн гаргасан гомдлыг хэрэгсэхгүй болгосон. ХЯНАЛТЫН ШАТ: Шүүгдэгч нь хэргийг бүрэн гүйцэд шалгаагүй, нотлох баримтууд зөрүүтэй байхад өөрийн талыг үгүйсгэсэн гэж гомдол гаргасан. Хохирогчийн хууль ёсны төлөөлөгч ялыг хөнгөрүүлж, нээлттэй хорих байгууллагад эдлүүлэхээр шийдвэрлэсэнд гомдолтой байгаа бөгөөд онц харгис хэрцгий аргаар алсан гэмт хэргийг хэрэгсэхгүй болгосныг эсэргүүцэж, ялыг хаалттай хорих байгууллагад эдлүүлэхээр өөрчлөлт оруулах саналтай байсан. Прокурор нь шүүгдэгчийн үйлдсэн хэргийн зүйлчлэлийг өөрчилж, ял оногдуулах нь зүйтэй гэж дүгнэлт хийсэн. ҮНДЭСЛЭЛ: Шүүгдэгч Б.От-ын үйлдсэн хэргийн үйл баримт нотлох баримтаар нотлогдсон бөгөөд анх болон давж заалдах шатны шүүхийн дүгнэлт хэргийн жинхэнэ байдалд нийцсэн, хууль зүйн үндэслэлтэй гэж үзсэн. Хэрэг хянан шийдвэрлэх явцад оролцогчийн эрхийг хассан, хязгаарласан, хууль зөрчсөн ноцтой зөрчил тогтоогдоогүй. Анхан шатны шүүх ял оногдуулахдаа Эрүүгийн хуулийн агуулга, зарчимд нийцүүлэн холбогдох заалтыг зөв тайлбарлан хэрэглэсэн. Шүүх хуралдаанаар хянан хэлэлцэгдсэн нотлох баримтаар шүүгдэгчийн үйлдсэн гэмт хэргийн үйл баримт хөдөлбөргүй тогтоогдсон тул шийтгэх тогтоол, магадлалыг хэвээр үлдээж, гомдлыг хэрэгсэхгүй болгох нь зүйтэй.