Тогтоол №9245

ХЭРГИЙН ТАНИЛЦУУЛГА: Замын хөдөлгөөний дүрмийг зөрчиж явган зорчигчийн эрүүл мэндэд хүнд хохирол учруулсан хэрэг. АНХАН ШАТ: Гэмт хэргийг шуурхай, бүрэн илрүүлэх зорилтыг хангаж, нотлох баримтыг бүрэн шалгаж тогтоох үүрэгтэй мөрдөгч, прокурорын хэт богино хугацаанд, өмгөөлөгчгүйгээр мөрдөн шалгах ажиллагаа явуулсан нь Эрүүгийн хэрэг хянан шийдвэрлэх тухай хуулийн 5.3 дугаар зүйлийн 1 дэх хэсэг, 7.6 дугаар зүйлийн 3 дахь хэсгийг ноцтой зөрчсөн гэж үзэн, уг зөрчлийг арилгаж, нэмэлт мөрдөн шалгах ажиллагаа хийлгүүлэхээр хэргийг прокурорт буцаасан. ДАВЖ ЗААЛДАХ ШАТ: Прокурор анхан шатны шүүхийн шийдвэрийг эсэргүүцэв. Шүүгдэгч нь хөгжлийн бэрхшээлтэй (хөдөлмөрийн чадвар алдалт 70%) тул Эрүүгийн хэрэг хянан шийдвэрлэх тухай хуулийн 5.3 дугаар зүйлийн 1 дэх хэсгийн 1.1 дэх заалтад заасан эрхийг хангах үүднээс өмгөөлөгчтэй оролцох эрхийг нь хангаагүй нь Эрүүгийн хэрэг хянан шийдвэрлэх тухай хуулийг ноцтой зөрчсөн хэмээн үзэв.

ҮНДЭСЛЭЛ: Хөгжлийн бэрхшээлтэй шүүгдэгч нь өөрийгөө өмгөөлөх, өмгөөлүүлэх эрхээ эдлэх боломжоор хангах үүрэгтэй бөгөөд уг эрхийг нь хязгаарласан нь Эрүүгийн хэрэг хянан шийдвэрлэх тухай хуулийг ноцтой зөрчсөн тул анхан шатны шүүхийн шийдвэрийг хүчингүй болгож, хэргийг дахин хэлэлцүүлэхээр анхан шатны шүүхэд буцаасан нь зүйтэй.