Тогтоол №9215

ХЭРГИЙН ТАНИЛЦУУЛГА: Гэр бүлийн хамаарал бүхий хүний эрүүл мэндэд хөнгөн хохирол учруулсан хэргээр шүүгдэгч М.Н-д холбогдох хэргийг хянан шийдвэрлэсэн. АНХАН ШАТ: Шүүгдэгчийг Эрүүгийн хуулийн 11.6 дугаар зүйлийн 2 дахь хэсэгт зааснаар гэм буруутайд тооцож, 500,000 төгрөгөөр торгох ял оногдуулж, уг ялыг шүүхийн шийдвэр хүчин төгөлдөр болсноос хойш хоёр сарын дотор хэсэгчлэн төлүүлэхээр шийдвэрлэсэн. ДАВЖ ЗААЛДАХ ШАТ: Ерөнхий прокурор анхан шатны шүүхийн шийдвэр нь ялтны эрх зүйн байдлыг дордуулсан, торгох ял биелүүлэх хугацааг хууль буруу хэрэглэж тогтоосон гэж эсэргүүцэл гаргасан. Давж заалдах шатны шүүх уг эсэргүүцлийг үндэслэлтэй гэж үзэн, торгох ял хэсэгчлэн төлөх хугацааг дөрвөн сар болгон өөрчилсөн.

ҮНДЭСЛЭЛ: Шүүхийн шийдвэр хүчин төгөлдөр болсноос хойш 90 хоног дотор торгох ялыг төлж барагдуулах ёстой бөгөөд шүүх ялтны орлогыг харгалзан энэ хугацааг 3 жил хүртэл сунгаж болохоор Эрүүгийн хууль болон Шүүхийн шийдвэр гүйцэтгэх тухай хуульд заасан. Анхан шатны шүүх торгох ял биелүүлэх хугацааг 2 сар болгон тогтоосон нь хуулийг буруу тайлбарлаж, ялтны эрхийг хязгаарласан байна.