ХЭРГИЙН ТАНИЛЦУУЛГА: Иргэн Б.О нь согтууруулах согтууруулах ундаа хэрэглэсэн үедээ тээврийн хэрэгсэл жолоодож, хүний амь нас хохироосон хэргээр буруутгагдсан. АНХАН ШАТ: Анхан шатны шүүхээс Б.О-г Эрүүгийн хуулийн тусгай ангийн 27.10 дугаар зүйлийн 4 дэх хэсгийн 4.1 дэх заалтад зааснаар гэм буруутайд тооцож, тээврийн хэрэгсэл жолоодох эрхийг 6 жилийн хугацаагаар хасаж, 2 жил 1 сарын хорих ялаар шийтгэсэн. ДАВЖ ЗААЛДАХ ШАТ: Б.О нь анхан шатны шүүхийн шийтгэх тогтоолыг эс зөвшөөрч давж заалдсан. Давж заалдах шатны шүүх хэргийг хянан үзээд, амь хохирогчийн үхлийн шалтгааныг тодруулах шаардлагатай, мөрдөн шалгах ажиллагаанд нотлох баримтыг бүрэн бодитой шалгаж тогтоох явцад алдаа гарсан гэж үзэн анхан шатны шүүхийн шийтгэх тогтоолыг хүчингүй болгож, хэргийг прокурорт буцаахаар шийдвэрлэсэн.
ҮНДЭСЛЭЛ: Амь хохирогчийн үхлийн шалтгаан тодорхой бус, зам тээврийн ослын улмаас учирсан гэмтэл нь нас баралтын шууд шалтгаан болох нь эргэлзээтэй тул мөрдөн шалгах ажиллагааг сайтар хийж, хэргийн бодит байдлыг тогтоох шаардлагатай. Эрүүгийн хэрэг хянан шийдвэрлэх ажиллагааны зорилт, зарчимд нийцүүлэн хэргийг эцэслэн шийдвэрлэх нь зүйтэй.