Тогтоол №8443

ХЭРГИЙН ТАНИЛЦУУЛГА: Яллагдагч С.А, С.Б нарт холбогдох хэргийг анхан шатны шүүх шийдвэрлэсний дараа шинээр илэрсэн нөхцөл байдлын улмаас прокурор давж заалдах шатны шүүхэд шийтгэх тогтоолыг хүчингүй болгуулахаар хүссэн. АНХАН ШАТ: Яллагдагч С.А-г 2002 оны Эрүүгийн хуулийн 145.2-т зааснаар 2 жил 1 сар, 2015 оны Эрүүгийн хуулийн 17.1.2.1-т зааснаар 2 жил 2 сар хорих ялаар, нийт 4 жил 3 сар эдлүүлэхээр; С.Б-г 2015 оны Эрүүгийн хуулийн 17.1.1-т зааснаар 6 сар, 17.1.2.1-т зааснаар 2 жил 2 сар хорих ялаар, нийт 2 жил 8 сар эдлүүлэхээр шийтгэсэн. ДАВЖ ЗААЛДАХ ШАТ: Прокурор анхан шатны шүүхийн шийтгэх тогтоолыг хүчингүй болгуулахыг хүссэн. Хэргийг хянан үзээд, анхан шатны шүүхийн шийтгэх тогтоолын С.А, С.Б нарт холбогдох хэсгийг хүчингүй болгож, нэмэлт мөрдөн шалгах ажиллагаа хийлгүүлэхээр прокурорт буцааж, бусад яллагдагч нарт холбогдох хэсгийг хэвээр үлдээх нь зүйтэй гэж үзсэн.

ҮНДЭСЛЭЛ: Анхан шатны шүүх шийдвэр гаргахаас өмнө үйлдсэн гэмт хэргүүдийг дараа нь илрүүлэн нэгтгэж ял оногдуулахад эрх зүйн байдал нь дордож, нэг төрлийн гэмт хэрэгт давхар ял шийтгүүлэх нөхцөл үүссэн. Мөн мөрдөн байцаалтын явцад хэргүүдийг нэгтгэн шалгахгүйгээр тусад нь шийдвэрлүүлсэн нь яллагдагчдын эрх зүйн байдлыг илтэд дордуулсан. Эрүүгийн хуулийн зүйл, хэсэг заалтыг зөв хэрэглэх шаардлагатай байна.