Тогтоол №8402

ХЭРГИЙН ТАНИЛЦУУЛГА: Гэр бүлийн хамаарал бүхий этгээд нь биед нь хөнгөн хохирол учруулсан хэрэг. АНХАН ШАТ: Гэр бүлийн хүчирхийлэл үйлдсэн, хүний эрүүл мэндэд хөнгөн хохирол учруулсан гэмт хэрэгт буруутайд тооцож, 450,000 төгрөгөөр торгох ялаар шийтгэсэн. Торгох ялыг хэсэгчлэн төлөх, хугацаанд нь биелүүлээгүй тохиолдолд хорих ялаар солих нөхцөлийг заасан. ДАВЖ ЗААЛДАХ ШАТ: Прокурор анхан шатны шүүхийн шийтгэх тогтоолд Эрүүгийн хуулийг буруу хэрэглэсэн, техникийн алдаатай гэсэн үндэслэлээр эсэргүүцэл гаргасан.

ҮНДЭСЛЭЛ: Гэр бүлийн хүчирхийлэл үйлдсэн, биед нь хөнгөн хохирол учруулсан гэмт хэргийг Эрүүгийн хуулийн 11.6 дугаар зүйлийн 2 дахь хэсэгт заасан хүндрүүлэх нөхцөл байдалтайгаар үйлдсэнийг нотлох баримтууд хангалттай нотолсон. Анхан шатны шүүх Эрүүгийн хуулийн 11.6 дугаар зүйлийн 2-р хэсгийг хэрэглэхдээ 10.1 дүгээр зүйлийн 2.8-р хэсэгт заасан "гэр бүлийн хүчирхийлэл үйлдэж" гэх шинжийг журамлан хэрэглэсэн нь хууль буруу хэрэглэсэн гэх прокурорын үндэслэл болоогүй. Шүүх шийтгэх тогтоол гаргахдаа Эрүүгийн хэрэг хянан шийдвэрлэх тухай хуульд заасан журмыг ноцтой зөрчөөгүй. Техникийн алдаануудыг хүлээн авч, шийтгэх тогтоолыг хэвээр үлдээж, прокурорын эсэргүүцлийн нэг хэсгийг хэрэгсэхгүй болгож, нөгөө хэсгийг хангаж шийдвэрлэсэн.