Тогтоол №8297

ХЭРГИЙН ТАНИЛЦУУЛГА: Ш.Ч нь албан тушаалаа урвуулан ашиглаж, их хэмжээний хохирол учруулсан үндэслэлээр яллагдсан. АНХАН ШАТ: Ш.Ч-ийг албан тушаалаа урвуулан ашиглаж их хэмжээний хохирол учруулсан гэм буруутайд тооцож, нийтийн албанд томилогдох эрхийг 3 жил хасч, 3 жилийн тэнсэн харгалзах ял оногдуулсан. Мөн 66,183,400 төгрөгийг хохирогч байгууллагад төлүүлэхээр шийдвэрлэсэн. ДАВЖ ЗААЛДАХ ШАТ: Шүүгдэгч Ш.Ч нь тогтоосон төлбөрийн зарим хэсгийг буюу 17,000,000 төгрөгийг хасуулж тооцуулах, эсхүл бусад хэмжээг нь хөнгөлүүлэхээр гомдол гаргасан. Шүүхийн шинжилгээний дүгнэлт болон шүүх хурлын явцад гарсан зарим үйл баримтууд хоорондоо зөрчилтэй, хэргийн бодит байдлыг тодруулах явцад ноцтой зөрчлүүд байсныг тогтоож, анхан шатны шүүхийн шийтгэх тогтоолыг бүхэлд нь хүчингүй болгон хэргийг прокурорт буцаахаар шийдвэрлэсэн.

ҮНДЭСЛЭЛ: Анхан шатны шүүх хуралдаанаар хянан хэлэлцэгдсэн нотлох баримтууд хоорондоо зөрчилтэй байсан. Шүүхийн шинжилгээний дүгнэлт, гэрчүүдийн мэдүүлэг хоорондоо зөрүүтэй байсан боловч анхан шатны шүүх эдгээрийг хангалттай нягтлалгүйгээр хэргийг шийдвэрлэсэн. Прокуророос яллах дүгнэлт үйлдэхдээ шинжээчийн дүгнэлтийг бүхэлд баримтлаагүй, зарим үйлдлүүдийг нь гэрчүүдийн мэдүүлэгт үндэслэн яллах дүгнэлт үйлдсэн нь Эрүүгийн хэрэг хянан шийдвэрлэх тухай хуулийн заалтуудтай зөрчилдсөн. Тодруулбал, шинжээчийн дүгнэлт тодорхойгүй, бүрэн бус байсан тул нэмэлт шинжээч томилох ёстой байтал энэ үүргээ хэрэгжүүлээгүй. Эдгээр үндэслэлээр анхан шатны шүүхийн шийтгэх тогтоолд заасан дүгнэлт хэргийн бодит байдалтай нийцээгүй гэж үзэв.