Тогтоол №8210

ХЭРГИЙН ТАНИЛЦУУЛГА: Өсвөр насны этгээд нь сургууль дотор хохирогчид хөнгөн хохирол учруулсан хэргээр ял авч, тухайн шийтгэх тогтоолыг эс зөвшөөрч прокурор давж заалджээ. АНХАН ШАТ: Өсвөр насны этгээдийг Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан хүний эрүүл мэндэд хөнгөн хохирол учруулсан гэмт хэрэг үйлдсэн гэм буруутайд тооцож, 450,000 төгрөгөөр торгох ял оногдуулж, үүнийг хэсэгчлэн төлөхөөр шийдвэрлэжээ. ДАВЖ ЗААЛДАХ ШАТ: Прокурор нь өсвөр насны этгээдэд оногдуулсан торгох ял нь бусад төрлийн ялтай харьцуулахад хуульд нийцэхгүй, эрүүгийн хариуцлага хүлээлгэхэд хэрэглэх ёстой бусад хуулийн заалтыг хэрэглээгүй хэмээн үзэж, анхан шатны шүүхийн шийтгэх тогтоолыг хүчингүй болгуулахаар эсэргүүцэл бичсэн. Давж заалдах шатны шүүх прокурорын эсэргүүцлийг хүлээн авч, анхан шатны шүүхийн шийтгэх тогтоолын зарим хэсгийг өөрчилж, өсвөр насны этгээдэд оногдуулсан торгох ялыг тэнсэж, 1 жилийн хугацаагаар хянан хүмүүжүүлэхээр шийдвэрлэжээ.

ҮНДЭСЛЭЛ: Өсвөр насны хүнд оногдуулах ялын төрлийг Эрүүгийн хуулийн ерөнхий ангийн 8.2 дугаар зүйлд заасан байдлаар сонгон хэрэглэх нь хуульд нийцнэ. Анхан шатны шүүх уг зүйлийг баримтлах ёстой байтал торгох ял оногдуулсан нь хууль зүйн үндэслэлгүй байсан. Тиймээс давж заалдах шатны шүүх Эрүүгийн хуулийн ерөнхий ангийн 8.7 дугаар зүйлийг журамлан, оногдуулсан торгох ялыг тэнсэж, хянан хүмүүжүүлэх ял болгон өөрчилсөн.