Тогтоол №7886

ХЭРГИЙН ТАНИЛЦУУЛГА: Жолооч тээврийн хэрэгслийг аюулгүй байдлын дүрэм зөрчин жолоодож, явган хүний амь насыг хохироосон гэмт хэрэгт холбогдсон шүүгдэгчийн үйлдлийг анхан шатны шүүх Авто тээврийн хэрэгслийн хөдөлгөөний аюулгүй байдлын тухай хууль, түүнд нийцүүлэн гаргасан захиргааны хэм хэмжээний актыг зөрчсөн, хүний амь насыг хохироосон гэмт хэрэг үйлдсэнд тооцсон. АНХАН ШАТ: Эрүүгийн хуулийн тусгай ангийн 27.10 дугаар зүйлийн 3 дахь хэсэгт зааснаар шүүгдэгч О.М-ийг тээврийн хэрэгсэл жолоодох эрхийг 3 жилийн хугацаагаар хасаж, 2 жил 6 сарын хугацаагаар хорих ял шийтгэж, хохиролд 5.493.302 төгрөгийг гаргуулахаар шийдвэрлэсэн. ДАВЖ ЗААЛДАХ ШАТ: Шүүгдэгч, түүний өмгөөлөгч, иргэний хариуцагчийн төлөөлөгч нар ялыг хөнгөрүүлэх, хохирлын төлбөрийг бууруулах талаар гомдол гаргасан.

ҮНДЭСЛЭЛ: Давж заалдах шатны шүүх хэргийг бүхэлд нь хянан хэлэлцээд, анхан шатны шүүхийн дүгнэлт болон оногдуулсан ял, шийтгэл нь хэргийн бодит байдал, хуулийн зүйл заалтад нийцсэн гэж үзэж, шүүгдэгч, иргэний хариуцагчийн гомдлыг хэрэгсэхгүй болгож, анхан шатны шүүхийн шийтгэх тогтоолыг хэвээр үлдээсэн. Шүүгдэгчийн өмнөх ял шийтгэлийг харгалзан үзсэн нь үндэслэлтэй гэж үзсэн. Иргэний хариуцагч байгууллага нь ажилтантайгаа байгуулсан хөдөлмөрийн гэрээ, албан тушаалын дагуу хүлээсэн үүргээ гүйцэтгэх явцад учруулсан хохирлыг хариуцах тухай хуулийн зохицуулалтыг баримтлан шийдвэр гаргасан.