ХЭРГИЙН ТАНИЛЦУУЛГА: Жолооч Г.Б нь замын хөдөлгөөний дүрмийг зөрчин явган зорчигч О.Хишигбаатарыг мөргөж амь насыг нь хохироосон. АНХАН ШАТ: Шүүгдэгч Г.Б-г гэм буруутайд тооцож, тээврийн хэрэгсэл жолоодох эрхийг 3 жил хасч, 1 жил 6 сараар хорих ялаар шийтгэсэн. Мөн бусдад төлөх төлбөргүй гэж шийдвэрлэсэн. ДАВЖ ЗААЛДАХ ШАТ: Хохирогчийн хууль ёсны төлөөлөгч болон өмгөөлөгч нь анхан шатны шүүхийн шийдвэрийг эс зөвшөөрч, учруулсан хохирлын зардлыг бүрэн гаргуулах талаар гомдол гаргасан. Прокурор хохирол төлбөрийн талаарх шийдвэрт өөрчлөлт оруулах саналтай байсан.
ҮНДЭСЛЭЛ: Давж заалдах шатны шүүх хэргийг хянан үзээд, шүүгдэгчийн гэм буруутай үйлдлийг тогтоож, анхан шатны шүүхийн ялын болон шийтгэх тогтоол нь хуульд нийцсэн болохыг баталсан. Гэсэн хэдий ч, хохирогчийн хууль ёсны төлөөлөгчийн гаргасан гомдлыг үндэслэн, учруулсан хохирлын зарим хэсгийг (оршуулгын зардал) нэмж гаргуулахаар шийтгэх тогтоолд нэмэлт оруулж, шүүгдэгч Г.Баас 3.182.619 төгрөгийг хохирогчийн хууль ёсны төлөөлөгчид олгохоор шийдвэрлэсэн. Шүүгдэгчээс гаргуулах малчны зээлийн 5 сая төгрөгийг гэмт хэргийн улмаас учирсан шууд хохирол гэж үзэхгүй, төлбөргүй гэж дүгнэсэн нь хуульд нийцсэн байна.