ХЭРГИЙН ТАНИЛЦУУЛГА: Согтуурсан үедээ, жолооны эрхгүйгээр тээврийн хэрэгсэл жолоодож, бусдыг мөргөж амь насыг нь хохироосон, эрүүл мэндэд нь хохирол учруулсан тухай. АНХАН ШАТ: Хэргийн улмаас амь нас хохирсон, эрүүл мэндэд нь хохирол учирсан, эд хөрөнгийн хохирол учирсан тул Эрүүгийн хуулийн тусгай ангийн 27.10 дугаар зүйлийн 4 дэх хэсэгт зааснаар шүүгдэгчид хорих ял оногдуулж, жолоодох эрхийг хассан. Иргэний нэхэмжлэлийг хэсэгчлэн хангаж, хохирол төлүүлэхээр шийдвэрлэсэн. ДАВЖ ЗААЛДАХ ШАТ: Хохирогчийн хууль ёсны төлөөлөгч, иргэний нэхэмжлэгч болон хохирогч нар анхан шатны шүүхийн шийдвэрийг эс зөвшөөрч, хохирлыг бүрэн барагдуулах, ял шийтгэлийг хүндрүүлэх талаар гомдол гаргасан.
ҮНДЭСЛЭЛ: Давж заалдах шатны шүүх хэргийг хянан үзээд, анхан шатны шүүхийн шийдвэрийн зарим хэсгийг өөрчилж, зарим заалтыг нэмэхээр шийдвэрлэв. Үүнд: Иргэний нэхэмжлэгч Нэт капитал ББСБ нь учирсан хохирлоо иргэний журмаар нэхэмжлэх эрхтэй болохыг дурдсан. Хохирогчид цаашид гарах хохирлоо иргэний журмаар нэхэмжлэх эрхийг нэмж оруулсан. Бусад заалтуудыг хэвээр үлдээсэн.