Тогтоол №7483

ХЭРГИЙН ТАНИЛЦУУЛГА: Хүний эрүүл мэндэд хөнгөн хохирол учруулсан хэргээр шүүгдэгч Т.С-д холбогдох эрүүгийн хэргийн анхан шатны шүүхийн шийтгэх тогтоолыг эс зөвшөөрч прокурор давж заалдсан. АНХАН ШАТ: Т.С-ыг Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар хүний эрүүл мэндэд хөнгөн хохирол учруулсан гэм буруутайд тооцож, 120 цагийн хугацаагаар нийтэд тустай ажил хийлгэх ял оногдуулсан. ДАВЖ ЗААЛДАХ ШАТ: Прокурор анхан шатны шүүхийн шийдвэрт Эрүүгийн хуулийн ерөнхий ангийн 8.2 дугаар зүйлийн 2 дахь хэсгийг буруу хэрэглэсэн, мөн 18-21 насны хүнд ял оногдуулахдаа өсвөр насны хүн гэж үзэх үндэслэлийг тодорхой болгоогүй, Эрүүгийн хэрэг хянан шийдвэрлэх тухай хуулийн шаардлагыг хангаагүй гэж үзэн гомдол гаргасан.

ҮНДЭСЛЭЛ: Давж заалдах шатны шүүх анхан шатны шүүхийн шийтгэх тогтоол нь Эрүүгийн хэрэг хянан шийдвэрлэх тухай хуулийн 36.2 дугаар зүйлийн 3 дахь хэсэгт заасан тодорхой, ойлгомжтой байх шаардлагыг хангаагүй, мөн Эрүүгийн хуулийн ерөнхий ангийн байхгүй зүйл, хэсгийг буруу хэрэглэсэн, 18-21 насны этгээдэд ял оногдуулахдаа өсвөр насны гэж үзэх үндэслэлийг тодорхойгүй, хуулийг буруу тайлбарлаж хэрэглэсэн, Эрүүгийн хэрэг хянан шийдвэрлэх тухай хуулийг ноцтой зөрчсөн тул шийтгэх тогтоолыг хүчингүй болгож, хэргийг анхан шатны шүүхэд дахин хэлэлцүүлэхээр буцаахаар шийдвэрлэв.