Тогтоол №7338

ХЭРГИЙН ТАНИЛЦУУЛГА: Н.Б нь согтууруулах ундааны зүйл хэрэглэсэн үедээ иргэн Б.ЦБ-тай маргалдаж, улмаар толгойн тус газарт хутгалж алсан хэргээр буруутгагдсан. АНХАН ШАТ: Шүүгдэгч Н.Б-г Эрүүгийн хуулийн тусгай ангийн 10.1 дүгээр зүйлийн 1 дэх хэсэгт заасан хүн алах гэмт хэргийг үйлдсэн гэм буруутайд тооцож, 8 жил хорих ялаар шийтгэсэн. Мөн хохиролд 3 277 484 төгрөгийг гаргуулахаар шийдвэрлэсэн. ДАВЖ ЗААЛДАХ ШАТ: Шүүгдэгчийн өмгөөлөгч хэргийн зүйлчлэлийг Эрүүгийн хуулийн 10.2 дугаар зүйлийн 1 дэх хэсэг болгон өөрчилж, ялыг хөнгөрүүлэхийг хүссэн. Хууль ёсны төлөөлөгч болон прокурор анхан шатны шүүхийн шийдвэрийг хэвээр үлдээхийг шаардсан.

ҮНДЭСЛЭЛ: Шүүгдэгч нь гэмт хэрэг үйлдсэнийхээ төлөө гэмшиж, хохирлоо барагдуулсан ч хохирогчийн зүгээс шүүгдэгчийг сэтгэл санааны гэнэтийн цочролд оруулсан, эсхүл аргагүй хамгаалалт хийсэн гэдгийг нотлох баримт байхгүй тул хэргийн зүйлчлэлийг өөрчлөх болон ялыг хөнгөрүүлэх үндэслэлгүй байна. Гэмт хэрэг үйлдсэн нөхцөл байдал, нийгмийн аюулын шинж чанар, хэмжээ, шүүгдэгчийн хувийн байдал, гэм буруугийн хэлбэрийг харгалзан анхан шатны шүүхээс оногдуулсан ял нь Эрүүгийн хуулийг зөв хэрэглэсэн, шударга ёсны зарчимд нийцсэн байна.