Тогтоол №7124

ХЭРГИЙН ТАНИЛЦУУЛГА: Тусгай зөвшөөрөлгүйгээр ашигт малтмал олборлож, байгаль орчинд учруулсан хохирлыг нөхөн төлөхтэй холбоотой маргаан. АНХАН ШАТ: Шүүгдэгчийг тусгай зөвшөөрөлгүйгээр ашигт малтмал олборлож, байгаль орчинд 3.365.537 төгрөгийн хохирол учруулсан гэм буруутайд тооцож, 3 жилийн тэнсэх ял оногдуулж, тэнссэн хугацаанд ашигт малтмал олборлохыг хориглох хязгаарлалт тогтоосон. Мөн гэмт хэрэгт ашигласан экскаватор, тээврийн хэрэгслийн үнэ болох 168,000,000 төгрөгийг улсын орлого болгох, гэм буруутай этгээдийн өмчлөлийн эд хөрөнгүүдийг хураах шийдвэрлэсэн. ДАВЖ ЗААЛДАХ ШАТ: Шүүгдэгчийн өмгөөлөгч анхан шатны шүүхийн шийтгэх тогтоолын заалт, тодруулбал гэмт хэрэгт ашигласан хэдий ч өмчлөлд нь байхгүй экскаватор, тээврийн хэрэгслийн үнэ болох 168,000,000 төгрөгийг шүүгдэгчээр төлүүлэхээр шийдвэрлэсэн нь хууль бус, үндэслэлгүй гэж үзэн давж заалдах гомдол гаргасан.

ҮНДЭСЛЭЛ: Давж заалдах шатны шүүхээс Эрүүгийн хуулийн ерөнхий ангийн 7.5 дугаар зүйлийн 4-т заасныг баримтлан, гэмт хэрэгт ашигласан тээврийн хэрэгсэл нь гэм буруутай этгээдийн өмчлөлд байсан нь тогтоогдсон тохиолдолд л хураан авч болох тул, түрээслэн авсан экскаватор, тээврийн хэрэгслийн үнийг шүүгдэгчээр төлүүлэхээр шийдвэрлэсэн анхан шатны шүүхийн тогтоол нь буруу байсан. Гэмт хэрэг үйлдэж олсон 250 грамм алтны үнийг улсын орлого болгох нь хуульд нийцнэ гэж үзэж, анхан шатны шүүхийн шийтгэх тогтоолын заалтад өөрчлөлт оруулж, экскаватор, тээврийн хэрэгслийн үнийн оронд олборлосон алтны үнийг улсын орлого болгох болсон.