Тогтоол №6982

ХЭРГИЙН ТАНИЛЦУУЛГА: Хохирогч нь барилгын хашааны хаалгыг онгойлгоогүй хэмээх шалтгаанаар шүүгдэгч Ч.Д, Ц.Г нарт зодуулж, эрүүл мэндэд нь хөнгөн хохирол учирсан гэмт хэрэгт холбогджээ. АНХАН ШАТ: Шүүгдэгч Ч.Д, Ц.Г нарыг Эрүүгийн хуулийн тусгай ангийн 11.6 дугаар зүйлийн 2 дахь хэсэгт зааснаар "Хүний эрүүл мэндэд хөнгөн хохирол учруулах" гэмт хэрэг үйлдсэн гэм буруутайд тооцож, тус бүрт нь нийтэд тустай ажил хийлгэх ял оногдуулж, шүүгдэгч нараас төлбөрт 668,000 төгрөгийг хохирогчид олгохоор шийдвэрлэсэн. ДАВЖ ЗААЛДАХ ШАТ: Шүүгдэгч нарын өмгөөлөгч Ц.Г-г гэм буруугүйд тооцож, Ч.Д-ын зүйлчлэлийг өөрчлөн анхан шатны шийтгэх тогтоолыг хүчингүй болгуулахаар гомдол гаргасан. Гэвч шүүх хохирогч болон гэрч нарын мэдүүлэг, шинжээчийн дүгнэлтийг үндэслэн шүүгдэгч нар гэм буруутай болох нь тогтоогдсон тул гомдлыг хэрэгсэхгүй болгож, анхан шатны шүүхийн тогтоох хэсэгт шүүгдэгч нар "бүлэглэж" гэмт хэрэг үйлдсэн гэдгийг тодорхой болгохоор өөрчлөлт оруулсан.

ҮНДЭСЛЭЛ: Хэргийн бодит байдал нь хохирогч болон гэрч нарын мэдүүлэг, шинжээчийн дүгнэлт зэрэг нотлох баримтаар тогтоогдсон. Шүүгдэгч нар нь бүлэглэн хүч хэрэглэж, хүний эрүүл мэндэд хөнгөн хохирол учруулсан үйлдлийг Эрүүгийн хуулийн тусгай ангийн 11.6 дугаар зүйлийн 2 дахь хэсэгт зааснаар зүйлчилж, Эрүүгийн хуулийг зөв хэрэглэсэн. Анхан шатны шүүхийн ял оногдуулсан байдал нь гэмт хэрэг үйлдсэн нөхцөл байдал, оролцоо, нийгмийн аюулын шинж чанарт тохирсон.