Тогтоол №6943

ХЭРГИЙН ТАНИЛЦУУЛГА: Тээврийн хэрэгсэл жолоодож явахдаа хөдөлгөөний аюулгүй байдлын тухай хууль, дүрмийг зөрчсөнөөс зорчигч нас барж, нөгөө зорчигчийн эрүүл мэндэд хүнд хохирол учирсан гэмт хэрэгт холбогдсон. АНХАН ШАТ: Хөдөлгөөний аюулгүй байдлын тухай хууль, дүрмийг зөрчсөнөөс хүний амь нас хохирсон, эрүүл мэндэд хүнд хохирол учруулсан үйлдлийг Эрүүгийн хуулийн тусгай ангийн 27.10 дугаар зүйлийн 3 дахь хэсэгт зааснаар зүйлчлэн, жолоодох эрхийг 3 жил хасч, 1 жил 6 сарын хорих ялаар шийтгэсэн. ДАВЖ ЗААЛДАХ ШАТ: Шүүгдэгч болон түүний өмгөөлөгч, хохирогчийн хууль ёсны төлөөлөгчид үйлдсэн хэргээ хүлээн зөвшөөрч, учруулсан хохирлыг бүрэн барагдуулсан, хөнгөлөлттэй нөхцөл байдлуудыг харгалзан үзэж, оногдуулсан хорих ялыг хөнгөрүүлж, тэнсэх ял оногдуулах хүсэлт гаргасан.

ҮНДЭСЛЭЛ: Шүүгдэгч гэм буруугаа хүлээн зөвшөөрч, учруулсан хохирлыг барагдуулсан, бага насны хүүхэдтэй, хохирогчийн хууль ёсны төлөөлөгч ялыг хөнгөрүүлэхийг хүссэн зэргийг харгалзан, оногдуулсан хорих ялыг хөнгөрүүлж, 2 жилийн хугацаагаар тэнсэж, гэмт хэргийн хор уршгийг арилгах талаар арга хэмжээ авах үүрэг хүлээлгэхээр шийдвэрлэв.