Тогтоол №6896

ХЭРГИЙН ТАНИЛЦУУЛГА: Хоёр этгээд бүлэглэн, хүч хэрэглэж, гар утас болон мөнгө дээрэмдсэн хэрэг. АНХАН ШАТ: Хоёр этгээдийг бусдын эд хөрөнгийг хүч хэрэглэж, дээрэмдсэн гэм буруутайд тооцож, тус бүрийг 2 жилийн хорих ялаар шийтгэсэн. ДАВЖ ЗААЛДАХ ШАТ: Шүүгдэгч нь хохирогчийн эд хөрөнгийг авахад хүч хэрэглээгүй, хүч хэрэглэхээр заналхийлээгүй гэж гомдол гаргасан. Прокурор анхан шатны шүүхийн шийдвэрийг хэвээр үлдээх саналтай байсан.

ҮНДЭСЛЭЛ: Хохирогчийн мэдүүлэг, гэрчийн мэдүүлэг, алдагдсан эд зүйлийн үнэлгээ зэрэг нотлох баримтуудаар гэмт хэргийн үйл баримт тогтоогдсон. Нэг этгээд нь хохирогчийг зоригт хэсэг рүү аваачин хүч хэрэглэж, мөнгө нэхэн эд хөрөнгийг авсан. Нөгөө этгээд нь үйлдлээрээ нэгдэн, хажууд зогсож айдас төрүүлсэн, дээрэмдсэн эд зүйлсийг авч хамтдаа зугтаасан нь гэмт хэрэгт хамтран оролцсон гэж үзэхэд хангалттай үндэслэл болсон. Хоёр этгээдийг Эрүүгийн хуулийн тусгай ангийн 17.2 дугаар зүйлийн 2 дахь хэсэгт зааснаар гэм буруутайд тооцож, шийтгэх тогтоолыг хэвээр үлдээж, гомдлыг хэрэгсэхгүй болгосон.