Тогтоол №6234

ХЭРГИЙН ТАНИЛЦУУЛГА: Жолооч О.С нь замын хөдөлгөөний дүрмийг зөрчиж, бүрэн бус тээврийн хэрэгсэл жолоодож яваад зам тээврийн осол гаргаж, иргэн Л.Б-д хүндэвтэр хохирол учруулсан хэрэг. АНХАН ШАТ: Шүүгдэгч О.С-ийн гэм буруутай эсэхэд эргэлзээтэй байх тул Эрүүгийн хэрэг хянан шийдвэрлэх тухай хуулийн 1.15 дугаар зүйлийн 2 дахь хэсэгт заасныг баримтлан хэргийг хэрэгсэхгүй болгож, цагаатгасан. Мөн иргэний хариуцагчаас хохирогчид нөхөн төлбөр гаргуулж, бусад нэхэмжлэлийг хэрэгсэхгүй болгосон. ДАВЖ ЗААЛДАХ ШАТ: Прокурор анхан шатны шүүхийн цагаатгах тогтоолыг хэргийн бодит байдалтай нийцээгүй, хуулийг буруу хэрэглэсэн гэж эсэргүүцсэн. Давж заалдах шатны шүүх прокурорын эсэргүүцлийг үндэслэлтэй гэж үзэж, анхан шатны шүүхийн цагаатгах тогтоолыг хүчингүй болгож, хэргийг дахин хэлэлцүүлэхээр буцаасан.

ҮНДЭСЛЭЛ: Анхан шатны шүүх нь шинжээчийн дүгнэлт, гэрчүүдийн мэдүүлгийг бүрэн үнэлэлгүй, шүүгдэгчийн гэм буруутай эсэхэд эргэлзээ төрүүлсэн нотлох баримтуудыг үнэлэхэд учир дутагдалтай гэж үзсэн. Мөн хэргийг хэрэгсэхгүй болгох үндэслэлийг тодорхой заагаагүй, цагаатгах тогтоолын тогтоох хэсэгт холбогдох заалтыг баримтлаагүй нь Эрүүгийн хэрэг хянан шийдвэрлэх тухай хуулийг ноцтой зөрчсөн гэж үзсэн.