Тогтоол №6211

ХЭРГИЙН ТАНИЛЦУУЛГА: Гурван хүнд холбогдох эрүүгийн хэргийг давж заалдах шатны шүүх хянан хэлэлцэв. Анхан шатны шүүх гурвууланг нь бусдын эд хөрөнгийг дээрэмдсэн гэм буруутайд тооцон, тус бүрт нь 2 жил хорих ял оногдуулсан. Шүүгдэгч Б.Д давж заалдах гомдол гаргаж, мөрдөн байцаалтад буцаах, эсвэл ялыг хөнгөрүүлэхийг хүсэв. Бусад шүүгдэгчдийн өмгөөлөгчид мөн ялыг хөнгөрүүлэхийг хүсэв. Прокурор шийтгэх тогтоолыг хүчингүй болгож, хэргийг дахин хэлэлцүүлэхээр буцаах санал гаргав.

АНХАН ШАТ: Гурван шүүгдэгчийг бүлэглэн согтуугаар, хүч хэрэглэн бусдын эд хөрөнгийг дээрэмдсэн гэм буруутайд тооцож, Эрүүгийн хуулийн тусгай ангийн 17.2 дугаар зүйлийн 2 дахь хэсэгт зааснаар тус бүр 2 жил хорих ял оногдуулж, нээлттэй хорих байгууллагад эдлүүлэхээр шийдвэрлэв.

ДАВЖ ЗААЛДАХ ШАТ: Шүүгдэгч Б.Д мөрдөн байцаалтад саад учруулаагүй, хэргээ ухамсарлаж байгаа, бичиг үсэг мэддэггүй, өмгөөлөгчгүй байцаалт авсан гэх гомдол гаргав. Р.Ч, Б.Д, Б.Г нарын өмгөөлөгчид Эрүүгийн хуулийн ерөнхий ангийн 6.7 дугаар зүйлд зааснаар ялыг хөнгөрүүлэхийг хүсэв. Прокурор хэргийг мөрдөн байцаалтад буцаах боломжгүй, гэхдээ шийтгэх тогтоолд хөнгөрүүлэх, хүндрүүлэх нөхцлүүдийг тусгаагүй тул хүчингүй болгож дахин хэлэлцүүлэхийг санал болгов.

ҮНДЭСЛЭЛ: Давж заалдах шатны шүүх хэргийн бүх ажиллагааг хянаад, анхан шатны шүүхийн дүгнэлт хэргийн бодит байдалтай нийцсэн, үндэслэлтэй гэж үзэв. Гэмт хэрэг үйлдсэн нь нотлогдсон. Шүүгдэгч Б.Д бичиг үсэг мэддэггүй гэх нь үндэслэлгүй байв. Шүүгдэгч Б.Г, Б.Д нар анх удаа гэмт хэрэг үйлдсэн, хохирлыг барагдуулсан тул Эрүүгийн хуулийн ерөнхий ангийн 6.7 дугаар зүйлийн 1 дэх хэсэгт зааснаар тэдний хорих ялыг 1 жил болгон хөнгөрүүллээ. Харин Р.Ч урьд өмнө гэмт хэрэг үйдэж ял шийтгүүлж байсан тул түүнд оногдуулсан ялыг хэвээр үлдээв.