Тогтоол №5775

ХЭРГИЙН ТАНИЛЦУУЛГА: Тээврийн хэрэгслийг жолоодож явахдаа бусдыг амь насыг хохироож, эрүүл мэндэд нь хохирол учруулсан хэрэг. АНХАН ШАТ: Замын хөдөлгөөний аюулгүй байдлын журам зөрчсөн, 2 хүний амь нас хохироосон хэргийн улмаас 6 жилийн хорих ял оногдуулж, тээврийн хэрэгсэл жолоодох эрхийг 4 жилээр хасч, 2 жилийн хугацаагаар хорих ялыг хойшлуулсан. Иргэний нэхэмжлэлийг тодорхой хэмжээгээр хангасан. ДАВЖ ЗААЛДАХ ШАТ: Анхан шатны шүүхийн шийтгэх тогтоол нь хуулийг буруу хэрэглэсэн, ял завших боломж олгосон, талийгаачдыг согтуу байсан гэх худал дүгнэлт гаргасан, зарим үйлдлүүдийг шалгаагүй зэргээр гомдол гаргасан. Давж заалдах шатны шүүх анхан шатны шүүхийн тогтоолд өөрчлөлт оруулж, 2 хүний амь нас хохироосон, 2 хүний бие махбодид хүнд гэмтэл учруулсан хүндрүүлэх бүрэлдэхүүнтэйгээр гэм буруутайд тооцож, ялыг нээлттэй хорих ангид эдлүүлэхээр өөрчилж, хохирогчдод учруулсан сэтгэл санааны хохирлыг нөхөн төлүүлэхээр болсон.

ҮНДЭСЛЭЛ: Давж заалдах шатны шүүх анхан шатны шүүхийн шийтгэх тогтоолыг хянан үзээд, Эрүүгийн хуулийг буруу хэрэглэсэн, хууль хэрэглээний алдаа гарсан гэж үзэн, шүүгдэгчийг хүндрүүлэх нөхцөл байдлаар гэм буруутайд тооцож, ял эдлэх нөхцөлийг өөрчилж, иргэний нэхэмжлэлийн зарим хэсгийг нэмж хангаж шийдвэрлэсэн.