Тогтоол №5601

ХЭРГИЙН ТАНИЛЦУУЛГА: Гэмт хэрэг үйлдсэнээ хүлээсэн, давтан үйлдлээр бүлэглэн мал, эд хөрөнгө хулгайлсан хэрэг. АНХАН ШАТ: Шүүгдэгч нарыг давтан үйлдлээр бүлэглэж, машин механизм ашиглан, орон байранд нэвтэрч, олон тооны мал, эд зүйлс хулгайлсан, бусдад үлэмж хэмжээний хохирол учруулсан гэм буруутайд тооцож, Эрүүгийн хуулийн тусгай ангийн 145 дугаар зүйлийн 145.2-т зааснаар тус бүрт нь хугацаатай хорих ял оногдуулсан. ДАВЖ ЗААЛДАХ ШАТ: Гэм бурууг хүлээсэн боловч ялыг тэнсэх, хөнгөрүүлэх, баривчлах ял оногдуулах, шийтгэх тогтоолд өөрчлөлт оруулах талаар гомдол гаргасан.

ҮНДЭСЛЭЛ: Давж заалдах шатны шүүх хэргийг бүхэлд нь хянан хэлэлцэхэд Эрүүгийн хэрэг хянан шийдвэрлэх тухай хуулийг зөрчөөгүй, анхан шатны шүүхийн шийтгэх тогтоол хууль ёсны бөгөөд үндэслэл бүхий болохыг тогтоосон. Гэмт хэргийн зүйлчлэл, оногдуулсан ял шийтгэл нь хэргийн нөхцөл байдал, шүүгдэгчийн гэм буруу, учруулсан хор уршигт тохирсон байна. Иймд шүүгдэгч болон тэдгээрийн өмгөөлөгч нарын гомдлыг хэрэгсэхгүй болгож, анхан шатны шүүхийн шийтгэх тогтоолыг хэвээр үлдээсэн.