Тогтоол №5478

ХЭРГИЙН ТАНИЛЦУУЛГА: Айлын хашаанд зодооны хэрэг гарч, хохирогчийн эрүүл мэндэд хүндэвтэр хохирол санаатай учруулсан хэрэгт иргэн Д.А холбогджээ. АНХАН ШАТ: Анхан шатны шүүх хэргийг мөрдөн шалгах ажиллагаа явуулахад Эрүүгийн хэрэг хянан шийдвэрлэх хуулийг ноцтой зөрчсөн гэх үндэслэлээр хэргийг прокурорт буцаах шүүгчийн захирамж гаргасан. ДАВЖ ЗААЛДАХ ШАТ: Прокурор нь шүүгчийн захирамжийг эс зөвшөөрч, хэргийг буцаасан үндэслэлийг хууль бус, үндэслэлгүй гэж үзэн эсэргүүцэл гаргасан. Хохирогчийн өмгөөлөгч мөн эсэргүүцлийг дэмжиж, хэргийг анхан шатны шүүхээр шийдвэрлүүлэхээр буцаах саналтай байсан. Шүүгдэгчийн өмгөөлөгч мөрдөн байцаалтын ажиллагаа хангалтгүй хийгдсэн тул хэргийг мөрдөн байцаалтад буцаалгах хүсэлт гаргасан. ҮНДЭСЛЭЛ: Давж заалдах шатны шүүхээс анхан шатны шүүх нь гэм буруугийн шүүх хуралдаанаас Эрүүгийн хэрэг хянан шийдвэрлэх тухай хуулийн 33.3 дугаар зүйлийн 1.3 дахь хэсгийг удирдлага болгон хэргийг прокурорт буцаасан нь буруу гэж дүгнэн, анхан шатны шүүхийн захирамжийг хүчингүй болгож, хэргийг дахин хэлэлцүүлэхээр шүүхэд буцаахаар шийдвэрлэв. Мөн хэргийн цаг хугацааг тогтоох, нотлох баримтуудыг үнэлэхдээ хуулийг зөрчсөн байдал тогтоогдоогүй, техникийн шинжтэй алдаа нь хэргийг мөрдөн шалгах ажиллагаа хийлгэхээр прокурорт буцаах үндэслэл болохгүй гэж үзсэн.