Тогтоол №5234

ХЭРГИЙН ТАНИЛЦУУЛГА: Авто тээврийн хэрэгслийн хөдөлгөөний аюулгүй байдал, ашиглалтын журам зөрчсөнөөс хүний амь нас хохирч, бэртсэн хэрэг. АНХАН ШАТ: Шүүгдэгч А.Х, М.С нарт авто тээврийн хэрэгслийн хөдөлгөөний аюулгүй байдал, ашиглалтын журам зөрчсөний улмаас хүний амь нас хохироож, бэртэл учруулсан гэмт хэрэгт буруутгаж, Эрүүгийн хуулийн 27.10 дугаар зүйлийн 3-т зааснаар хорих ял, жолоодох эрх хасах ял оногдуулсан. ДАВЖ ЗААЛДАХ ШАТ: Шүүгдэгч нар Эрүүгийн хуулийг буруу хэрэглэсэн, ял хөнгөрүүлэх боломжтой байсан гэж гомдол гаргасан. Хохирогчийн хууль ёсны төлөөлөгч анхан шатны шүүхийн шийдвэрийг зөв хэмээн үзэж, гомдлыг хүлээн аваагүй. Давж заалдах шатны шүүх хэргийн бодит байдлыг бүрэн тогтоох, ялангуяа хэргийн нөхцөл байдалд нөлөөлж болох бусад этгээдийн үйлдэлд дүгнэлт хийх шаардлагатай гэж үзэн, анхан шатны шүүхийн шийтгэх тогтоолыг хүчингүй болгож, хэргийг дахин шийдвэрлүүлэхээр анхан шатны шүүхэд буцаасан.

ҮНДЭСЛЭЛ: Хэргийн бодит байдал, гэм буруугийн талаар дүгнэлт хийхэд ноцтой нөлөөлж болох нөхцөл байдлыг анхан шатны шүүх орхигдуулсан. Учир нь, чирэгдэж явсан тээврийн хэрэгслийн жолоочийн үйлдэл, эс үйлдэхүй нь Замын хөдөлгөөний дүрмийг зөрчсөн эсэх, энэ нь гэмт хэргийн шинжтэй эсэхийг шалгах шаардлагатай гэж үзсэн.