Тогтоол №5048

ХЭРГИЙН ТАНИЛЦУУЛГА: Гэр бүлийн хүчирхийлэл үйлдэн, эхнэрийн эрүүл мэндэд хөнгөн хохирол учруулсан хэрэгт холбогдсон этгээдэд оногдуулсан торгуулийн ялыг биелүүлэх хугацааг тогтоосон байдал нь хуульд нийцсэн эсэх нь маргаантай байна. АНХАН ШАТ: Гэр бүлийн хүчирхийлэл, хүний эрүүл мэндэд хөнгөн хохирол учруулсан гэм буруутайд тооц��ж, Эрүүгийн хуулийн 11.6 дугаар зүйлийн 2-р хэсэгт зааснаар 600,000 төгрөгөөр торгох ял оногдуулж, ялыг шийтгэх тогтоол хүчин төгөлдөр болсноос хойш 90 хоногийн дотор төлж барагдуулахаар шийдвэрлэсэн. ДАВЖ ЗААЛДАХ ШАТ: Прокурор анхан шатны шүүх Эрүүгийн хуулийг буруу хэрэглэсэн гэж үзэн эсэргүүцэл гаргасан. Давж заалдах шатны шүүх анхан шатны шүүхийн торгох ялыг биелүүлэх хугацааг тогтоосон нь Эрүүгийн хуулийн 5.3 дугаар зүйлийн 1-р хэсэг болон Шүүхийн шийдвэр гүйцэтгэх тухай хуулийн 160 дугаар зүйлийн 160.1-р хэсгийг буруу тайлбарлаж хэрэглэсэн гэж дүгнэн, шийтгэх тогтоолын уг хэсгийг хүчингүй болгож, өөрчлөлт оруулсан. ҮНДЭСЛЭЛ: Эрүүгийн хуулийн 5.3 дугаар зүйлийн 1-р хэсэгт торгуулийн ялыг биелүүлэх хугацаа тодорхой заагаагүй байхад Шүүхийн шийдвэр гүйцэтгэх тухай хуулийг буруу хэрэглэн 90 хоногийн хугацаа тогтоосон нь хууль буруу хэрэглэсэн үндэслэл болсон.