Тогтоол №4484

ХЭРГИЙН ТАНИЛЦУУЛГА: Бүлэглэн дээрэм хийсэн хэргээр дөрвөн этгээдэд холбогдох эрүүгийн хэргийг прокурорын эсэргүүцлийн дагуу хянан хэлэлцэв. АНХАН ШАТ: Анхан шатны шүүхээс яллагдагч нарт эрүүгийн хэрэг үүсгэж, яллагдагчаар татсан тогтоол ойлгомжгүй, зөрчилтэй болох, мөн яллагдагчийн эрх, үүргийг танилцуулаагүй, хэрэг бүртгэлтийн хэрэг нээлгүй мөрдөн байцаалт явуулсан зэрэг Эрүүгийн хэрэг хянан шийдвэрлэх тухай хуулийг ноцтой зөрчсөн үндэслэлээр хэргийг прокурорт буцааж шийдвэрлэжээ. ДАВЖ ЗААЛДАХ ШАТ: Прокурор анхан шатны шүүхийн шийдвэртэй санал 17026-р эсэргүүцэл гаргаж, шүүгдэгчдийн өмгөөлөгч нар анхан шатны шүүхийн шийдвэрийг хууль ёсны бөгөөд үндэслэлтэй хэмээн үзэж, хэргийг прокурорт буцаах саналтай байгаагаа илэрхийлэв. Давж заалдах шатны шүүх яллагдагч нарт Эрүүгийн хэрэг хянан шийдвэрлэх тухай хуульд заасан эрх, үүргийг хуульд зааснаар танилцуулаагүй нь хуулийг ноцтой зөрчсөн гэж үзсэн анхан шатны шүүхийн дүгнэлтийг хэвээр үлдээв. ҮНДЭСЛЭЛ: Яллагдагч нарт Эрүүгийн хэрэг хянан шийдвэрлэх тухай хуулийн 7.3-7.8 дугаар зүйлүүдэд заасан эрх, 7.9 дүгээр зүйлд заасан үүргийг хуульд зааснаар танилцуулаагүй нь яллагдагчдын хуулиар хамгаалагдсан эрхийг хязгаарласан, мөн Улсын Ерөнхий Прокуророос баталсан маягтыг хэрэглэсэн боловч яллагдагчийн эрх, үүргийг хязгаарласан нь хууль зүйн үндэслэлгүй тул анхан шатны шүүхийн шийдвэрийг хэвээр үлдээж, прокурорын эсэргүүцлийг хэрэгсэхгүй болгожээ.