Тогтоол №4385

ХЭРГИЙН ТАНИЛЦУУЛГА: Хувийн таарамжгүй харилцаанаас үүдэн хоорондоо зодолдож, бие биедээ хөнгөн гэмтэл учруулсан хэрэг. АНХАН ШАТ: Хүний эрүүл мэндэд хөнгөн хохирол учруулсан гэмт хэрэг үйлдсэн гэм буруутайд тооцож, нэгэнд нь нийтэд тустай ажил хийлгэх ял, нөгөөд нь торгох ял оногдуулсан. ДАВЖ ЗААЛДАХ ШАТ: Өмгөөлөгч нь эрх зүйн байдлыг дордуулахгүй байх зарчмыг баримтлан, 2002 оны Эрүүгийн хуульд заасан хөөн хэлэлцэх хугацаа дууссан тул хэргийг хэрэгсэхгүй болгуулахаар гомдол гаргасан.

ҮНДЭСЛЭЛ: Анхан шатны шүүхийн шийтгэх тогтоол хууль ёсны бөгөөд үндэслэл бүхий байсан боловч, хэргийн хянан хэлэлцэх явцад гэмт хэрэг үйлдсэн этгээдүүдийг эрүүгийн хариуцлагад татах хугацаа дууссан байна. Шинийн найруулсан Эрүүгийн хуульд оногдуулах ял нь 2002 оны Эрүүгийн хуулиас хөнгөрсөн ч, эрүүгийн хариуцлагаас чөлөөлөх хугацааны хувьд эрх зүйн байдлыг нь дордуулсан байна. Гэмт хэрэг үйлдсэн этгээдийн эрх зүйн байдлыг дордуулахгүй байх зарчимд нийцүүлэн, 2002 оны Эрүүгийн хуулийн дагуу эрүүгийн хариуцлагаас чөлөөлөх нь зүйтэй гэж үзэж, анхан шатны шүүхийн шийтгэх тогтоолд нэмэлт өөрчлөлт оруулж, давж заалдах гомдлыг хэрэгсэхгүй болгосон.