Тогтоол №4177

ХЭРГИЙН ТАНИЛЦУУЛГА: Г.Б нь бусдын эзэмшлийн орон байранд нэвтэрч зурагт хулгайлсан гэмт хэрэгт холбогджээ. АНХАН ШАТ: Г.Б-г хүн байнга амьдрах орон байранд нэвтэрч эд зүйл хулгайлсан гэм буруутайд тооцож, Эрүүгийн хуулийн тусгай ангийн 17.1 дүгээр зүйлийн 2 дахь хэсгийн 2.1 дэх заалтад зааснаар 1 жилийн хугацаагаар хорих ял оногдуулсан. ДАВЖ ЗААЛДАХ ШАТ: Шүүгдэгч Г.Б хохирлоо бүрэн барагдуулсан, эрүүл мэндийн байдал зэргийг үндэслэн ялыг хөнгөрүүлэхийг хүссэн боловч прокурор болон давж заалдах шатны шүүх анхан шатны шүүхийн шийтгэх тогтоол үндэслэлтэй гэж үзэн гомдлыг хэрэгсэхгүй болгож, шийтгэх тогтоолыг хэвээр үлдээсэн.

ҮНДЭСЛЭЛ: Анхан шатны шүүхээс нотлох баримтуудад тулгуурлан, гэм буруугаа хүлээн зөвшөөрсөн, хохирлоо нөхөн төлсөн зэрэг хорих ялыг хөнгөрүүлэх нөхцөл байдлуудад үнэлэлт дүгнэлт өгч, Эрүүгийн хуулийн ерөнхий ангийн 6.7 дугаар зүйлийн 1 дэх хэсгийн 1.3 дахь заалтыг журамлан ялыг хөнгөрүүлэн оногдуулсан нь хуульд нийцсэн байна.