Тогтоол №3764

ХЭРГИЙН ТАНИЛЦУУЛГА: Хоёр этгээдийг танхайрсан хэргээр буруутгаж, шүүхээс ял оноосон. Ялтан болон тэдний өмгөөлөгчид анхан шатны шүүхийн шийтгэх тогтоолыг эс зөвшөөрч давж заалджээ. АНХАН ШАТ: Анхан шатны шүүх нэг этгээдийг Эрүүгийн хуулийн 181.2.1-т заасан "Догшин авирлаж танхайрах", нөгөө этгээдийг 181.3-т заасан "Зэвсэг, зэвсгийн чанартай зүйл хэрэглэж танхайрах" хэргээр гэм буруутайд тооцон, тус тус хорих ял оногдуулж, цагдан хорьжээ. ДАВЖ ЗААЛДАХ ШАТ: Ялтнууд болон өмгөөлөгчид хэргийн бодит байдлыг бүрэн тогтоогоогүй, хуулийг буруу хэрэглэсэн, шүүх нэг талыг барьсан гэж гомдол гаргасан. Хохирогчийн үйлдлээс үүдэлтэй хувийн таарамжгүй харьцаа байсан, танхайн шинжгүй, хүний эрүүл мэндэд халдсан гэмт хэрэг гэж үзэх үндэслэлтэй гэж үзжээ. ҮНДЭСЛЭЛ: Давж заалдах шатны шүүхээс анхан шатны шүүхийн шийтгэх тогтоолыг хүчингүй болгож, хэргийг бүрэн хэмжээнд шинжлэн судлахын тулд мөрдөн байцаалт хийлгэхээр прокурорт буцаах нь зүйтэй гэж дүгнэжээ. Учир нь хэргийн бодит байдал, гэмтэл үүссэн нөхцөл, этгээдүүдийн үйлдсэн гэмт хэргийн сэдэлтийг сайтар тогтоогоогүй, анхан шатны шүүх Эрүүгийн хуулийг буруу хэрэглэсэн зөрчил гаргасан байна.