Тогтоол №3599

ХЭРГИЙН ТАНИЛЦУУЛГА: Согтуугаар биед халдаж, хохирогчид хүндэвтэр гэмтэл учруулсан хэргээр шүүгдэгч Б.Оюунбатад Эрүүгийн хуулийн тусгай ангийн 98.1-д зааснаар яллах дүгнэлт үйлдсэнтэй холбогдуулан анхан шатны шүүх нэмэлт мөрдөн байцаалт хийлгүүлэхээр хэргийг прокурорт буцаасан. АНХАН ШАТ: Анхан шатны шүүхээс Эрүүгийн хуулийн тусгай ангийн 98.1-д зааснаар яллах дүгнэлт үйлдсэн шүүгдэгч Б.Оюунбатад холбогдох хэргийг нэмэлт мөрдөн байцаалт хийлгүүлэхээр прокурорт буцааж, таслан сэргийлэх арга хэмжээг хэвээр үлдээсэн. ДАВЖ ЗААЛДАХ ШАТ: Прокурор анхан шатны шүүхийн захирамжийг эсэргүүцэн, шүүгдэгчийн үйлдсэн гэмт хэрэг нотлогдсон, гэрч, хохирогчийн мэдүүлэг хангалттай, дахин байцаах шаардлагагүй, шүүх эмнэлгийн дүгнэлт үндэслэлтэй гэж үзэн захирамжийг хүчингүй болгож, хэргийг анхан шатны шүүхэд буцаахыг шаардсан. Давж заалдах шатны шүүх прокурорын эсэргүүцлийг хүлээн авч, анхан шатны шүүхийн захирамжийг хүчингүй болгож, хэргийг анхан шатны шүүхээр хэлэлцүүлэхээр буцаасан.

ҮНДЭСЛЭЛ: Анхан шатны шүүх нь хэргийг бүрэн хянан шийдвэрлэх боломжтой байсан тул прокурорын эсэргүүцлийг үндэслэн, шүүхийн захирамжийг хүчингүй болгож, хэргийг анхан шатны шүүхэд буцаасан. Эрүүгийн байцаан шийтгэх хуулийн холбогдох зүйл заалтуудыг удирдлага болгон шийдвэрлэв.