Тогтоол №2102

ХЭРГИЙН ТАНИЛЦУУЛГА: Согтуурсан байдалтай, ялтай байх хугацаандаа иргэний хүзүүг шилний хагархайгаар зүсэж, хөнгөн гэмтэл учруулсан хэрэг. АНХАН ШАТ: Танхайрсан хэргээр Эрүүгийн хуулийн тусгай ангийн 181 дүгээр зүйлийн 181.3-д зааснаар 5 жил 6 сар хорих ялаар шийтгэсэн. ДАВЖ ЗААЛДАХ ШАТ: Гомдол гаргагч нь хэргийг хувийн таарамжгүй харилцаанаас үүдэлтэй, харилцан зодолдсон гэж үзэж, Эрүүгийн хуулийн тусгай ангийн 99 дүгээр зүйлийн 99.1-д зааснаар зүйлчлэхийг хүссэн. Шүүх хуралдаанд прокурор анхан шатны шүүхийн шийтгэх тогтоолыг хэвээр үлдээх саналтай байв.

ҮНДЭСЛЭЛ: Хэргийг дахин хянан үзэхэд, гэмт хэргийн улмаас учруулсан хохирол нь хувийн таагүй харилцаа, харилцан зодолдсоноос үүдэлтэй болох нь тогтоогдсон. Гэмт этгээд болон хохирогчийн мэдүүлэг, шинжээчийн дүгнэлт, хэргийн бусад баримтуудад тулгуурлан, хэргийн зүйлчлэлийг Эрүүгийн хуулийн тусгай ангийн 181 дүгээр зүйлийн 181.3-аас 99 дүгээр зүйлийн 99.1 болгон өөрчилж, 5 жил 6 сарын хорих ялыг 3 сарын баривчлах ялаар хөнгөвчилжээ.